[A:57b] nam gyi gung mi ma yin rnams skor ba byed pa'i khrod du/ rdo rje phag mo'i grub pa thob pa gcig gis skor ba byas pas/ gling bu'i skad 'dra ba'i glu las/ sngon dang sngon gyi dus tsa na/ thugs dgongs bla na med pa de/ jo bo a ti sha la yod/ rtogs pa bla na med pa de/ jo bo a ti sha la yod/ da lta ma rig mun par 'khyam/ zer ba dang/ yang/ a ti sha yi gdung 'tshob pa/ 'phags pa sku mched gsum po yin/ gcig tsam lho bal mtshams na yod/ 'phags pa 'jam dpal dang gnyis su med/ gcig tsam bal po'i yul na yod/ 'phags pa wa ti dang gnyis su med/ gcig tsam mang yul grong na yod/ 'phags pa bhu ga dang gnyis su med/ zer ba gsan pas/ rten de rnams rigs gsum mgon po dngos dang khyad med pas/ de rnams kyi sprul pa yin par byed
ces
gsung/ rgyal bu chags pa med pa'i skyes rabs las/ bla ma chags pa med pa'i zhal nas/ sras kyi snying po chags pa med/ bdag gi rab 'byin mgon par gyur/ de bzhin khye'u stong phrag dag/ lnga bdo snyigs ma ma rung tshe/ khyod kyi srid 'dzin 'gro ba bskyong/ mtha' mkhob yul gyi dbus su byed/ rin chen phreng ba bstan pa'i dpal/ nor bu brtsegs pa bzhin du skyong/ sa bcu'i mgon po 'jam pa'i dpal/ bstan pa rin chen gsal bar byed/ sa bcu'i dbang phyug spyan ras gzigs/ ston pa'i rgyal mtshan 'dzin par byed/ sa bcu'i dbang phyug rdo rje 'dzin/ tshul khrims me lce rab 'bar te/ 'chal pa'i bud shing bsreg par byed/ ces gsungs so/ de ltar bshes gnyen ston pa la las can gyi slob ma brgyad bcu tsam mtsho la padmas brgyan pa ltar byon pa las/ chos kyi brgyud pa 'dzin pa'i mchog 'phags pa sku mched gsum yin no/ gsum pa de las 'phros pa byon