[A:59b] mdzad pa'i sar mjal/ zla ba bzhi mtshams khrod du bzhugs te chos gsan/ da nga'i grogs po'i rtsar brgyugs gsung bas stag lung du spo to ba'i spyan sngar byon/ gra grwa pa lo dgu/ nang mi lo dgu ste bcu bco brgyad bsten/ zhar la phu chung pa dang/ spyan snga ba la yang 'dod chos rdzogs par gsan/ spo to ba gshegs nas yon tan gyi rjes su 'brang ba'i 'khor rnams dang lhan cig klung shod du byon te tshogs pa bsdus/ de nas gnas nges med du 'chad nyan mdzad pas/ gra grwa pa nyis stong brgyad brgya tsam 'dus/ de rnams phal cher chos don gnyer sha stag go/ de yang bshes gnyen ston pa/ rnal 'byor pa/ dgon pa ba/ sku mched gsum/ sne'u zur pa/ shar ba pa rnams la bka' gdams zhal brgyad du grags so/ snang dren lhas pa'i rnam thar ma mthong zhing/ ram sding ma ba 'byung gnas rdo rje'i rnam thar che chung gsum 'dug pa'i skye ba bcu drug pa'i rnam thar du/ bdag nyid ting nge 'dzin la mnyam par ga tsa na/ bskal pa stong gi skye ba dran te/ yab yum bla ma dang/ chos gang la zhus pa/ rus dang rigs dang/ gnas dang phyogs thams cad kyang dran/ dus rgyun du sa le ba ni skye ba bcu drug dran no zhes gsung la/ gtsang smad du ram sdiing ma'i chos sde btab/ gzhi bdag gis mdzo mo dkar mo gcig phul ba sa la thim pas/ chu mig khyad par can zhig byung ste/ rgya gar gyi mda' chu khron pa skyes dang khyad med/ sus 'thungs kyang rgyal gsung/ gra grwa pa stong tsam byung/ slob ma gcig la khyod lho brag tu song/ 'di kho na 'dra ba'i sa cha yod/ der dgon pa thob/ bla ma dang dgon pa'i ming yang gcig pa thogs gsung ste/ lho brag sding ma de las brgyud do/ dol pa shes rab rgya mtsho ni/ jo bo dol du phebs dus/ yul 'di nas byang chub sems dpa' rtags mtshan can zhig