[A:59a] kyi sems kho na la gtso bor mdzad de/ kho bos rlung tha mal du gtong ma myong gsung/ zhal bzhugs rin ring glang thang gi lcags ri'i nang du srog chags rnams gcig la gcig mi 'tshe bar grags/ dgung lo bdun bcu pa chu mo yos kyi sa ga zla ba la dpe'i chos lung du sku gshegs/ rgya lcags ri gong kha ba byang chub dpal ni/ khams su glang ri thang pa'i snyan pa thos pas/ dbus su chos la 'byon pa'i 'dun pa yod pa/ srin mo zhig gi gnod pas/ lo ngo drug 'das/ khong rang yang sngags kyis bcings te khyi'i lus su bsgyur yang/ glang ri thang pa dang mjal bar 'gron po'i phyi la yongs/ srin mos mnan du slebs pa na/ glang ri thang pas mkhyen pas der byon bgegs bskrad/ gtor mas byin gyis brlabs pas mi'i lus su gyur/ stong nyid snying rje thugs su chud de slob ma'i mchog tu gyur/ jo bo'i slob ma bshes gnyen bal bo bas btab pa'i lcags ri gong khar bzhugs pas rgya lcags ri bar grags so/ gzhan yang slob ma che ba dge bshes lcags zhing pa/ khyung po rnal 'byor/ ra lo tsA ba/ gnyan chen po zhang zhung/ mdo sde la sogs byon la/ gdan sa sha bas glang thang dang shar ba sbrel nas/ dge 'dun sum stong tsam 'dus/ de nas gdan sa zhang zhung pas mdzad/ mchod rten chen mo drang srong gis bskul te bzhengs te bzhengs tshul dang / bar du rin chen sgang pas bdag byas pa sogs rgyas par ma spros so/ zhang shar ba pa chen po ni/ pa tshab dom po'i rgyud du lcags khyi la/ yum phyugs bskyong ba'i dus/ rdo leb steng du 'khrungs te/ de la zhabs rjes kyang byon/ dgung lo bcu bco brgyad pa la klu shod phyor bar bros te rab tu byung/ mtshan yon tan grags su btags/ de nas spyan snga ba phyor phur sku mtshams