[A:62a] gsal/ 'brug lo bdun bcu rtsa lnga pa la mchad khar thegs/ lha 'gro ba'i mgon po ni/ yab jo 'bag gi sras su rta lo la 'khrungs/ lo bcu drug pa la mchad khar khu bo'i drung du dge bsnyen gyi sdom pa zhus/ de nas skyor mo lung du sbal ti la rab tu byung ste/ mtshan dbang phyug 'od du btags/ de nas spo tor dge bshes gnas brtan la mkhan po zhus te bsnyen par rdzogs/ lha chen po gshegs nas gdan sa mdzad/ mi g.yo ba'i grub pa brnyes pas stag sham can du yang grags/ gdul bya mang po smin par mdzad nas/ bdun bcu rtsa bzhi pa lug lo zla ba dgu pa'i nyer gcig la spyil phur thegs/ lha brag kha ba ni/ jo bo shAkya bkra shis kyi sras su khyi lo la 'khrungs/ lha 'gro mgon dang mjal te rab tu byung/ mtshan ye shes blo gros su btags/ sbas pa ston gzhon sogs la chos rnams rdzogs par gsan/ mchan kha spyil gu'i gdan sa mdzad/ sum cu rtsa bdun la thegs/ de nas jo 'phel gyi sras lha dbang phyug ye shes 'brug lo pa/ zur khang pa snga mar grags pas gdan sa mdzad de/ drug bcu la thegs/ de nas grags pa rin chen gyi sras lha blo gros 'od bya lo pa/ gdan sa lo bzhi bcu mdzad de/ lha rin chen seng ge/ mkhan ches seng ge rgyal mtshan sogs smin par mdzad/ drug bcu rtsa bzhi la thegs/ gdan sa zur khang pa rin chen seng ges mdzad/ de nas lha shAkya bsod nams/ de rjes lha zur khang pa bsod nams lhun grub/ lha dpal ldan bzang po/ da lta gdan sar bzhugs pa lha bsod nams rgyal mtshan pa rnams byon no/ mkhan chen seng ge rgyal mtshan pa'i sku che ba'i yon tan rnams jo stan sgom dpal gyis byas pa'i rnam thar du gsal la/