[A:62b] de la slob ma rje btsun ye mgon pa/ byang sems ra sgreng pa shAkya bsod nams sogs mang du byon no/ rgya spang sa thang pa ni/ gdung rus rgya/ mtshan nyi ma dbang phyug/ spang sa'i dgon pa btab/ dgung po lnga bcu bzhugs/ de nas gdan sar bzang bskos drug bdun dang/ lha'i brgyud pas gzung nas kyang gdan sa bdun brgyad tsam song ngo/ lha sdings pas nyan gyi lha sdings btab/ blo sbyong bla ma brgyud par ram pa lha sdings pa zhes 'byung la/ stod lungs mdar ram pa lha sdings zhes pa'i dgon pa yod pas/ 'di dang bla ma gcig mi gcig brtags par bya'o/ ram pa lha sdings pa nas sangs rgyas dbon slob dpon yon tan dpal/ mkhan chen bde ba dpal/ mkhan chen ram pa lha sdings gnam 'bar bas btab zer bas mi cig gam snyam/ dka' bzhi pa/ rin po che bsod nams grags pa/ rgyal sras thogs med pa ste/ de rnams kyi rnam thar chos rjes 'tshal min pa bsod nams bzang pos mdzad par gsol lo/ byin rlabs kyi bka' babs/ gtum ston blo gros grags ni/ gdung rus gtum/ 'khrungs yul shab sgo lnga'i lcags mkhar te shar ba pa sogs bka' gdams kyi bla ma mang du bsten/ de nas snar gyi mda'i thang la lo ra yod sar spyil po mdzad de/ chu mo bya'i lo la gzhi gtsugs/ snar thang gi dgon pa btab ste lo bcu bzhi bzhugs/ grwa pa stong tsam 'dus pa'i grags che ba/ rdo ston shes rab grags
rdo rje grags yang zer
grwa ston bdud rtsi grags/ zhang btsun rdo rje 'od/ rga ston shes rab grags rnams las/ rdo ston shes rab grags la nyid kyis dgon pa 'di bzung la 'gro don bskyongs gsung nas/ khong rang byang rta sde'i chos lung du thugs dam la bzhugs te/ dgung lo brgyad bcu rtsa gcig po me pho khyi'i lo rgyal gyi zla ba'i nyi shu gsum la chos lung du