[A:63a] gshegs pas chos lung sku gshegs su grags/ de rjes rdo ston gyis gdan sa lo nyi shu mdzad/ de nas zhang btsun rdo rje 'od kyis gdan sa lo brgyad mdzad/ de nas dpal ldan gro mo che pa/ gdung rus gro/ 'khrungs yul chu sgo ba/ bya'i lo la sku 'khrungs/ rtsis pa gzhon nu seng ge la bsnyen par rdzogs/ mtshan bdud rtsi grags/ yi dam mang po dang/ gnas brtan bcu drug zhal gzigs/ snar thang gi dbu rtse rnying ma bzhengs/ lam mchog gi rtsa tshig mdzad/ gdan sa lo sum bcu rtsa dgu mdzad de/ 'brug lo brgyad bcu pa la gshegs/ de nas zhang ston chos kyi bla mas gdan sa lo bcu mdzad/ de ni shab sgo lnga'i sna ring du 'brug la 'khrungs/ gdams pa rnams bshes gnyen gong ma nyid la gsan/ mkhyen pa che bas zhang thams cad mkhyen par grags/ 'dis gdan sa lo bcu mdzad de glang la gshegs/ de nas sangs rgyas sgom pas gdan sa mdzad/ de ni lcags kyi skyo lung dro'i phur/ sa mo phag la 'khrungs/ gro mo che la bsnyen par rdzogs/ mtshan seng ge skyabs/ mkhan po gong ma gnyis la gdams pa rnams gsan/ blo sbyong tshogs chos chen mor grags pa dang/ lam sgron gyi TIkka sogs mdzad/ gdan sar lo bcu bzhugs te/ don gnyis pa lcags khyi'i dpyid zla tha chung gi tshes lnga la dben gnas byang chen du gshegs/ de nas mchims nam mkha' grags ni/ gdung rus mchims/ nyang stod smon gro'i phu kha'ur rta'i lo la sku 'khrungs/ gnas brtan bcu drug gi gcig tu grags/ mkhyen rab che bas spyir brtsams chos mang du mdzad cing/ khyad par lam mchog gi 'grel pa phul du byung ba zhig kyang mdzad/ gdan sa lo sum bcu rtsa drug mdzad/ chos rgyal 'phags pa'i bla ma yang