[A:64a] gyi mchod rten sgo mangs/ phyi'i lcags ri chen mo mdzad de/ de'i rjes su mkhen grub pa shes rab pas gdan sa lo sum bcur mdzad cing/ bka' gdams gzhung drug dang/ lam sgron lab mchog la sogs pa'i gdams pas 'gro ba mtho dman rnams yang dag pa'i lam la bkod de/ rang lo re bdun pa chu mo yos la zhi bar gshegs/ de nas mkhen bsod nams mchog grub pas gdan sar lo bcu drug bzhugasate 'gro don bskyangs/ de nas mkhen grags pa donagrub pas gdan sa lo sum bcur mdzad nas go gcig pa phag la gshegs/ de nas mkhen bzod pa dpal grub gyis kyis gdan sa lo gsum mdzad nas/ rang lo bdun bcu pa la gshegs/ de nas mkhen 'dul ba 'dzin pa dpal ldan bzang pos gdan sa lo gsum mdzad nas rang lo don gnyis pa chu sbrul la gshegs/ de nas mkhen shes rab rgyal mtshan pa nga gnyis pa chu 'brug la gdan sar byon nas chu yos yan la lo bcu gnyis song ngo/ de ltar na gtum ston gyis snar thang chu bya la btab nas chu yos yan la 'das lo sum brgya dang sum bcu song bar shes par bya'o/ gzhung bshad kyi bka' babs dam pa stabs ka bas/ stabs ka grwa pa'i sgang / 'od 'jo chos kyi sgang/ khra phu longs spyod kyi sgang zhes pa gsum btab grwa pa brgyad brgya tsam 'dus/ grags che ba'i slob ma zhang bzhi ni/ zhang ston 'od 'jo ba dar ma g.yung drung/ zhang ston khang mo che pa/ zhang ston sho ma ra pa/ zhang ston bcom thang pa chen po'o/ thugs kyi sras bzhi ni/ sgang thang dkar ba rdo rje rin chen/ gu ra ba tshul khrims rdo rje/ stabs ka'i rnal 'byor pa nam mkha' rin chen/ khra phu ba 'dul ba 'dzin pa'o/ 'od 'jo zhang ston dar ma g.yung drung la gtad/ de nas rong ston kha bo ches bskyangs/ khra phu 'dul ba 'dzin pas bskyangs te/ de las 'phros