[A:64b] pa zhang ston dang khra phu ba chen po/ de'i slob ma gtsan dgon pa sogs byon te rgyas par ma spros so/ gnyis pa spyan snga rin po che nas brgyud pa/ bka' gdams gdam ngag pa byon tshul ni/ rnal 'byor gyi dbang phyug spyan snga ba la slob ma'i mchog sgom bzhi/ 'gran gyi do med gsum dang/ gzhan yang mkha' ru ba/ rom po rdo rje/ g.ye nas sgre pa chen po/ zhang ston dpal brtsegs/ rgya rtse sgra bo/ 'phan
yul
gyi sgro lag pa chen po/ zhang ka ma ba shes rab 'od/ ku ma ra shAkya/ sku srung ston pa/ 'dul 'dzin la khur ston pa/ mchad 'u ba chen po/ dgag dbye shes rin sogs mi chen nyi shu rtsa lnga tsam byon pa'i/ dgag dbye shes rin gyis nyan tshar gyes kyi mchod khang bzhengs/ spyier grwa pa bdun brgya tsam 'tshogs sgom bzhi ni zar pa phag sgom rdo rje ye shes kyis mal gro zar gyi mchod khang bzhengs/ rgyug pa ston sgom gyis klu shod rgyug pa'i mchod khang sogs mazhengs/ mang ra sgom pa brtson 'grus 'bar gyis thang skya'i dgon pa btab/ dbu rtse gsar ma bzhengs/ ral pa seng sgom gyis klu shod ngar gyi mchod khang bzhengs so/ 'gran gyi do med gsum ni/ stod lungs pa chen po/ bya yul ba chen po/ smyug rum pa chen po'o/ smyug rum pas klu shod mdar myug rum gyi dgon pa btab/ stod lungs pa chen po ni/ 'khrungs yul stod lungs gser phug/ dgung snying spre'u lo pa/ rab tu byung ba khyung po jo bsod la mdzad/ mtshan rin chen snying por btags/ gtsang phyogs la gzhon nu nas mtshan nyid kyi slob gnyer la byon nas/ bla ma seng ge sgra gcan 'dzin bzang po dang/ paNDi ta 'bum phrag gsum pa sogs mkhas pa mang po la mdo sngags kyi gsan sbyong rgya cher mdzad/ rtsod pa yang bzang/ de nas stod lungs thag mar