[A:66b] gdung rus gnyos/ yab g.yung drung 'bar/ yum stod lungs pa'i lcam sring ljang bza' lcam bu ste/ shing mo yos la 'khrungs/ dgung lo bdun la stod lungs pa chen po dang mjal/ lo bcu gnyis la stod lungs tsha thog dgon par/ rnal 'byor pa'i slob ma sgom pa byang grags dang/ spyan snga ba'i slob ma sgom pa ye shes rgyal mtshan gnyis la mkhan slob zhus te/ dge tshul mdzad/ mtshan gzhon nu 'od du btags/ de nas stod lungs pa mal gro zar du 'byon pa'i phyags phyir byon/ lo bcu zhabs tog tshul bzhin mdzad/ thugs 'dzin yangs pas bslab spyod sogs gzhung che chung rnams tshegs med par thugs su chud par mdzad/ de nas spyan snga ba phyor ba na bzhugs pa/ stod lungs pa dang dpon slob gnyis kyis mjal du byon pas/ mngon shes kyis gzigs nas/ stod lungs pa la jo bo ston pa re skyid na/ 'khor 'di lta bu yod pa ces yang yang gsung bas/ bla ma mnyes par dgongs te phul/ lo bcu gsum zhabs tog tshul bzhin du mdzad pas/ spyan snga ba mnyes pa'i gsung mang po dang/ byin brlabs zhugs ste nang ma gcig la sde snod gsum dang/ rgyud sde bzhi'i tshig don ma lus pa thugs la 'khrungs/ spyan snga pa la slob dpon nA ga bo dhi dang mjal ba bde'am zhus pas/ btsun chung 'di 'drir bcug pa'i chos mi 'dra ba gsung/ phyis gshegs kar ngas slob dpon nA ga bo dhi dang dngos su mjal/ chos mang du zhus rtsa ba'i bla mar byed pa yin/ khyed rang yang gsol ba thob dang rjes su 'dzin par 'dug gsung/ mdor na spyan snga ba'i yon tan bum pa gang byo'i tshul du mnga' zhing/ spyan snga ba smyug ram du gshegs nas sku gdung bzhu ba'i dus/ thugs nam mkha' la 'od dang