[A:66a] khong rang ji ltar dgongs pa mdzad du chugs gsung/ de nas sku gshegs kar ngas don khyad par can grub pa yin/ zhes lan gsum gsung / drung na yod pas pa'i yi dam gyi lha zhal mjal ba yin nam zhus pas/ yi dam gyi lha zer nas mig hur re rna ba co bo yod pa min/ chos thams cad don dam par skye pa med cing/ kun rdzob tu rmi lam sgyu ma lta bur rtogs gsung ste/ brgyad bcu rtsa lnga pa me pho spre'u lo mngon bar byang chub pa'i zla ba'i tshes brgyad la lam pa dgon par sku gshegs/ sang lha bzo dpon slob kyis kyang phebs/ nya ga mo pas mdang ma gir bzhugs pas ma byung zhus pas/ tshe dang ldan pa mi theg pa'i khur chen po cig bskur bar 'dug pas bsdad pa yin/ bla ma dang mdang mjal/ bzod gsol kyang tshar gsung/ der glog skya'i zhal nas/ nga rgas pas ya gir mi thon/ khyod kyis zar bskyongs gsung/ zar pa'i zhal nas/ nga yang bla ma'i gdan sa dga' ste/ da ngas zar bskyangs shig gsung/ de nas bya yul ba chen pos kyang phebs/ sngar gyi zhal bkod rnams snyan du gsol bas/ gzhi 'di la gzan gyis dogs pa'i dgongs pa yin yong gsung ste/ chas rkyen thams cad dang/ sol ba tshun dbur stod nas drangs te gdung khang chen mo bzhengs so/ sprul pa'i sku bya yul ba ni/ mdo ting nge 'dzin gyi rgyal po las/ phyi ma'i dus na ting 'dzin 'dzin pa dag/ lnga brgya las ni mi nyung der 'byung ste/ mdo sde mchog 'di rgya cher bzung ba la/ de dag sngon du 'dren pa gzhon nu yin/ zhes lung bstan te/ 'khrungs yul stod lungs go go lung gi grong mkha' rog