[A:68b] pha zhing la yon bdag byas te sgrub pa byed pa'i dus nyin gcig lcags ri'i lho phyogs su skyo sangs la byon pa na/ sprang po gsum las rje btsun mi la'i snyan pa gsan pas dad pa'i rkyen byas te pha zhing gser zho bzhi dang/ ja zho gang la btsongs nas/ rgya lcags ri ba dang/ bya yul ba/ smyug rum pa rnams la phyi phyag mdzad pas/ bya yul ba'i zhal nas/ khyed rnal 'byor pa khyi thul can gyi spyan sngar ma 'gro/ cis kyang 'gro na nged kyi rtags rnam thar ma dor bar shog cig/ lar ser kha la phan na khyi tshil yang sman yin/ zangs nged kyis brdungs nas za pa skad mis 'don pa gcig 'ong bar 'dug ste thabs med gsung/ smyug rum pa'i zhal nas/ khyod kyis nga rgas kar ma bor bar shog cig gsung/ de nas mi la dang mjal/ gdams ngag gis thugs tshim par mdzad/ phrin las mtha' yas shing/ dgas dwags lha sgam po btab te rang lo bdun bcu rtsa lnga pa chu mo bya la sku gshegs/ rgyas par ni bka' brgyud kyi rnam thar rnams su gsal lo/ 'di dag bka' gdams kyi brgyud pa dngos su mi 'dzin kyang/ bka' phyag chu bo gnyis 'dres su grags pas/ slob ma'i mchog tu bgrangs ya yin no/ de nas lo bya yul gyi gdan sa rin par byon pa'i tshul ni/ spyan snga rnal 'byor gyi dbang phyug smyug rum du thegs nas/ lor gnas brtan gyi bu gzhon nu smon lam gyis gdan sa lo dgu/ de nas rtogs ldan sdings po ba gnubs chos 'bar sbrul pos gdan sa lo gsum/ de nas gnas brtan smon lam blo gros kyis zla ba bcu bco brgyad byas/ yang sdings po bas lo drug dril bas lo dgu mdzad de/ bdun bcu rtsa brgyad la lor thegs/ de nas