[A:69a] gtsang pa rin po che byon nas gdan sa mdzad de/ bya yul du sprul sku chen po thegs nas/ dge bshes rgya spre'u lo pa gdan sa lo lnga mdzad/ drug bcu rtsa bzhi pa rta'i zla ba'i nyer brgyad la bya yul du thegs/ de nas gnubs mchod gnas gzhon nu rgyal mtshan khyi lo pa/ gdan sa lo nyi shu rtsa bzhi mdzad/ klung shod khra ba kha'i dgon ba btab/ brgyad bcu rtsa
drug
pa mngon bar byang chub pa'i zla ba'i nyer brgyad la bya yul du thegs/ de nas lo brgyad gdan sa ba
med pa'i rjes la/ lor gtsang pa rin po che'i rjes la/ rin po che glang lung pa bzhugs pa/ mal gro mdar ston mo'i gral dbu nas bya yul du gdan drangs/ de nas lo bya yul gyi gdan sa sbrel ba'i srol byung ngo / gtsang pa rin po che ni/ 'khrungs yul gtsang gi gnubs yul rong/ gdung rus gnubs/ yab gnubs a la la/ yum ral rgyags bza' lcam gyi sras su me pho 'brug la 'khrungs/ mtshan nam mkha' rdo rjer btags/ dpe kha gcig tu rdo rje rgyal mtshan yang zer/ rten tshangs spyod kyi dge bsnyen mdzad/ gzhon nu'i dus nas chos thams cad rmi lam sgyu mi'i nyams dang / mkha' 'gro ma mang po'i zhal gzigs/ de nas gnyan lo tsA ba rgya gar nas byon pa dang mjal te/ mdo sngags kyi thos pa rgya chen dang/ khyad par sngags la mkhas par sbyangs/ bod kyi mkhas pa mang po la ngas thug da rgya gar du 'gro dgongs te/ ding rir dam pa mjal du byon pas/ chos mi gsung bar brda chos bzhi mdzad pa'i gcig/ rdo dkar po shar phyogs su 'phangs song ba dam pa kun dga' la dris pas/ khyod kyi yongs 'dzin shar na yod zer ba'i brda yin zer bas/ lha sar jo bo mjal ba dang/ yer par sgrub