[A:7a] dang/ dge slong brgya la chos ston drangs na lo bdun thub/ de las thabs med zer/ de ltar byas te lo bdun du nye ba na/ bu'i ro mthong ba pha mas ma bzod de/ g.yog dang bcas pa 'khyam du btang te/ rim gyis song nas kha sarpa Ni'i zhal bltas/ rim gyis na lendra'i sgo drung du song ste/ snyan ngags kyi rig byed bsgrags pa/ de bram ze sgra gcan 'dzin bzhugs pas gsan nas/ nang du khrid de ji ltar gyur pa'i rgyun rim zhus pas/ rab tu byung na thabs yod gsung stegsungs te rab tu byung bar khas blangs nas tshe dpag med 'chi bdag 'joms pa'i dkyil 'khor du dbang bskur te gzungs 'don du bcug/ khyad par lo bdun lon pa'i nub mo mtshan thog thag bton pas 'chi bdag gi 'jigs pa las grol/ de nas lo brgyad lon pa dang/ bram ze chen po de nyid la rab tu byung nas rig pa'i gnas rnams dang/ theg pa che chung thams cad la mkhas par sbyangs so/ phyis pha ma dang mjal bas dga' bar gyur/ de nas bram ze chen po de nyid la dpal gsang ba 'dus pa la sogs pa'i gsang sngags kyi
chos
zhus pas/ des kyang dkyil 'khor du dbang bskur/ rgyud bshad/ zhal nas snyan du brgyud pa'i gdams pa dang rjes su bstan pa ma lus pa gnang ngo/ de nyid mkhan po zhus te bsnyen par rdzogs pa mdzad/ mtshan dge slong dpal ldan zhes grags/ de'i tshe mkhan pos lo bcu gnyis mu ge 'ong bas/ gtsug lag khang nyam dmas par gzigs nas/ dge 'dun gyi zhal ta bar dge slong dpal ldan bskos te mkhan po dpal ldan gyi ri la spyod pa
la gshegs pa'i mtshan bram ze chen po sa ra ha zhes grags so/