[A:74a] skyong zhal gzigs pa sogs rgyas par rnam thar du gsal la/ lor byes pa mkhan po lo lnga/ gzims 'og lo gsum/ gdan sa gong lo bcu bdun mdzad/ bdun bcu don lnga pa 'brug lo zla ba bcu gcig pa'i nyer drug bar du bzhugs/ 'dir smras pa/ nges 'byung tshul khrims gsum gyis bag yod phyug/ rab 'byam sde snod gsum la mkhyen pa rgyas/ 'chad rtsod rtsom pa gsum la mnga' brnyes pa'i/ bla ma mchog la sgo gsum gus pas 'dud/ de nas bdag gis gdan sa lo sum bcu so dgu byas te/ chos kyi 'brel pa thob pa bcu phrag gnyis/ bka' drin lhag par che ba'i bla ma bdun/ mdo rgyud gzhung 'grel man ngag mang du thos/ yongs 'dzin chen pos mnyes shing rjes su gzung/ bka' brgyud bla ma'i rnam thar dri med mtsho/ bshes gnyen gdengs can stong gis legs gtams pa/ yon tan yid bzhin nor bu'i 'byung gnas la/ ngoms par btung du yod pa skal ba bzang/ zhes bar skabs kyi tshigs su bcad pa'o/ gong du smos pa stod lungs pa'i slob ma lam grags che ba/ sdings po ba/ glog skya/ dge bshes zar pa/ dge bshes lha bzo/ khyung kham/ bya 'dul 'dzin dang drug las/ dang po gsum gong du zur tsam bshad la/ stod lungs pa'i dgongs pa lon pa phyi ma gsum yin te/ lha bzos mngon shes lnga thob/ stod lungs pa 'khor lo bde mchog dang gnyis su med par gzigs gsung/ khyung kham gyis sgyu lus kyi rtogs pa brnyes/ stod lungs pa'i zhal nas/ khyod kyi gdul bya gtsang du yod pas der song/ dgon pa thob/ slob ma bsdus la bden gnyis bshad do/ nga'i bden gnyis 'di ma dor cig gsung bas/