[A:73b] grub dar/ yum sog mo rdo rje sgron gyi sras su shing pho stag la lcas par 'khrungs/ dgung lo bcu gsum la gug rdzong du slob dpon tshul rgyal ba la rab tu byung/ mtshan tshul khrims dar du btags/ nyi shu rtsa lnga
la
rin po che chos kyi rdo rje'i drung du bsnyen par rdzogs/ skyur mo lung du slob dpon bsam gtan don grub dang/ dro sar dmar ston dbu ma pa sogs la 'dul ba'i sde snod mtha' dag la mkhas par sbyangs/ mkhan chen sangs rgyas dpal ba dang/ chos rje thams cad mkhyen pa sogs las/ sher phyogs dang byams chos mtha' dag thugs su chud par mdzad/ thang sag tu zla grags gsar ma dang/ slob dpon tshul dpal pa la dbu ma'i gzhung che chung mtha' dag gsan/ rin po che rin chen rgyal mtshan pa sogs bla ma lnga'i drung du bka' gdams kyi chos skor rnams dang/ chos rje kun bkras pa sogs la/ sa lugs kyi chos skor dang/ zha lu grags pa rgyal mtshan pa la bu lugs kyi chos skor dang/ gdan sa thel du chos rje bsod nams rgyal mtshan pa la phyag rgya ba'i chos skor dang/ rtogs ldan sngo nyal ma dang/ drung rin rgyal ba la dus 'khor rgyud 'grel
sogs la mkhas par mdzad/ mdor na mkhas grub kyi bla ma sum bcu tsam bsten te/ bde bar gshegs pa'i gsung rab mtha' dag gi tshig don la mnga' brnyes par mdzad de/ mkhas pa'i grags pas phyogs kun du khyab/ 'chad nyan sogs gzhan phan rgya cher mdzad de/ slob ma'i mchog chos rje dge ba rgyal mtshan/ bzad pa blo rgyam/ bzad pa padma bzang po/ chos rje blo brtan pa/ khams su lha 'bri ston pa sogs mang du byon/ sher phyogs gsung ba'i tshe me tog gi char 'bab pa yi dam dang chos