[A:77a] dgon pa btab ste/ phyis spos pa grab kyi gsas khang yin no/ sangs rgyas dbon gyi brgyud pa gdan sar byon pa rnams ni/ gcen po yon bdag ya po la sras bzhi byung ba'i che ba slob dpon ston pa/ bla ma sang yon/ smon lam seng ge/ bde gshegs chen po'o/ bla ma sang yon glang lo pa po gcig pa lug gi lo la gdan sar byon/ mchod khang glo 'bur nub ma dang gdul gdung sogs bzhengs/ sprul bsgyur nus pas nyin gcig la sprul pa gsum bstan par grags/ gdan sa lo sum bcu rtsa gnyis mdzad/ re gnyis pa stag lo'i bar bzhugs/ de nas gcung po bde gshegs gzhon nu seng ge khyi lo pa/ zhe gcig pa stag gi lo la gdan sar byon/ lo nyi shu rtsa lnga mdzad/ re lnga pa stag lo la thegs/ de nas smon lam seng ge'i sras skam dgon pa gzhon nu 'bum gyis gdan sa zla ba bcu bco brgyad mdzad de/ rang lo nga gcig pa la thegs/ de nas sangs rgyas 'od 'byung gis gdan sar 'brug la byon te lo nyi shu rtsa bzhi mdzad/ gtsug lag khang la gser thog bkal/ rang lo drug bcu rtsa gcig la thegs/ de nas sangs rgyas gzhon 'od kyis rang lo nyer bzhi pa la gdan sar byon te lo bzhi bcu bzhugs/ lo drug bcu rtsa bzhi pa la thegs/ de nas mkhas btsun rgya ma pa bkra shis rgyal mtshan gyis rang lo zhe gsum pa la gdan sar byon te lo bcu dgu bzhugs nas drug bcu rtsa gnyis la thegs/ slob dpon kun bzang dang/ slob dpon gzhon nu seng ge gnyis kyi skabs gdan sa lo drug stongs nas skag rtsub mang yang khong rang
rnam
gnyis kyis gdan sa lo gnyis gnyis mdzad/ de nas spyan snga bsod nams rgyal mtshan gyis gdan sa