[A:77b] lo nyi shu
rtsa lnga
mdzad/ spyan snga sang yon pas gdan sa lo bdun mdzad nas lnga bcu rtsa lnga pa la thegs/ sangs rgyas byang chub pas gdan sa lo nyi shu rtsa gsum mdzad de nga drug pa la thegs/ spyan snga kun blo bas gdan sa lo bcu gcig bskyangs te lnga bcu rtsa dgu pa la thegs/ spyan snga gzhon 'od pas gdan sa lo sum bcu rtsa bzhi mdzad/ mchod rten chen mo bzhengs/ re drug pa khyi la gshegs/ spyan snga blo gros rgyal mtshan skam dgon pas gdan sar lo gnyiis bzhugs nas kun spangs mdzad de don gcig pa la thegs/ spyan snga blo gros rgyal mtshan gnyis pas gdan sa lo gsum mdzad nas bdun bcu rtsa gnyis pa la thegs/ spyan snga blo gros 'jigs med pa shing phag la gdan sar byon te da lta gdan sar bzhugs pa nyid do/ gong du smos pa sne'u zur pa las 'phros tshul ni/ sne'u zur pa gdung rus zhang tshe spong/ spras thong pa sar zhang stag po'i sras su chu pho rta la 'khrungs/ byis pa'i dus nas ting nge 'dzin rang 'khrungs su mnga'/ brag rgyab tu rab tu byung/ mtshan ye shes 'bar du btags/ dgon pa la/ sku mched gsum la sogs
pa bla ma mang du bsten/ dgon pa ba dang thog mar mjal ba'i dus/ thugs ka nas thub pa'i sku 'od 'phroo ba cig byon nas sne'u zur pa la thim pas ting nge 'dzin khyad par can brnyes/ bla ma la gus pa/ byang chub kyi sems gnas pa/ brtan pa/ sgyu ma lta bu'i ting nge 'dzin rnams 'dzom na/ sangs rgyas dang byang chub sems dpa' dpag tu med pa zhal gzigs pa chos nyid yin gsung/ gzhan yang sgyu lus kyi rtogs pa brnyes pas/ rang lus mi g.yo ba'i skur ldang nus pa dang /