[A:81b] 'byed tshul glegs bam las gsungs pa rnams bstan nas/ de nas rjes su glegs bam gyi po ti tshang ba bka' rgya dang bcas te gnang/ shes rab rgyal mtshan gyis kyang gnas nges med du bzhugs nas nyams len mdzad do/ de nas spyan ras gzigs kyi sprul pa phu chung ba gzhon nu rgyal mtshan la gnang/ des ka ma'i rnal 'byor pa rin chen rgyal mtshan la/ des stabs ka'i zhang ston dar ma rgyal mtshan la/ des lha bla ma ye shes 'od kyi sku skye byang chub bzang po la/ des nam mkha' rin chen la/ des 'brom ku mA ra ma ti la/ des mkhen nyi ma rgyal mtshan la gnang/ de dag gi lo brgyus rgyus rgyas par don du gnyer na glegs bam gyi byung tshul ngo mtshar rmad du byung ba'i dpal 'byor zhes par blta'o/ zhar la khu ston brtson 'grus g.yung drung ni/ yar lungs thang po cher byon/ spyir jo bo'i chos mang du mnga'/ khyad par shes rab kyi pha rol du phyin pa la rtsal thon/ gshin rje gshed kyi zhal gzigs/ slob ma'i mchog mngon pa la mkhas pa brang ti dar ma snying po sogs dang/ glegs bam las/ bA ga rA jA la sogs pa'i 'khor lnga brgya tsam yod ces 'byung ngo/ gsum pa nag tsho'ii rjes slob byon tshul ni/ nag tsho lo tsA ba la mnga' ris skor gsum du slob ma mang du byon pa la/ dbus su grags che ba rong pa phyag sor ba yin te/ khong rang gi skye ba bcu gsum dran cing/ mngon par shes pa rgya chen po mnga' ba/ bsgoms pa'i stobs kyis rig pa'i gnas lnga la mkhas pa des/ dang por jo bo chen po'i gdam ngag kho na rtsad dpyod pa la/ jo bo'i dngos kyi slob ma yer pa ba rang gi zhang btsun yer pa ba / yer pa gzims khang gi sgom pa dad pa bla ma/ ra sgreng du dge bshes ston pa/ rnal 'byor pa chen po