[A:82a] dpal ldan dgon pa ba/ mkha' ru ba snga ma/ lo tsA ba nag tsho/ jo bo legs dang brgyad/ nying slob mkha' ru ba phyi ma/ dge bshes yung ba pa dang bcu bsten nas/ bshad pa dang sgrub pa'i gdams pa dang/ jo bo'i lo brgyus rgyus rtsad dpyad pas/ jo bo dngos kyi slob ma rnams gsung mthun par byung/ nying slob gnyis gsung ma mthun te khyad par du bstan rim gyi mtshan 'dogs lugs la/ mkha' ru ba phyi ma'i zhal nas bstan pa'i srol kha bya ba yin gsung/ yung ba pa'i zhal nas/ khyod kyi slob dpon blo brtul bas ma zin par snang/ bla ma rnams bstan pa'i rim pa zhes gsung ba yin/ de yang/ tshul gnas thos dang bsam ldan pas/ sgom pa la ni rab tu sbyar/ bya ba'i don yin gsung/ de nas rong pa phyag sor ba'i thugs dgongs la/ jo bo dngos la lo bcu dgu bsten pa'i lo tsA ba chen po de/ da dung mnga' ris gung thang na bzhugs yod par 'dug pas/ jo bo dngos su bzhugs kyang lo tsA ba bar du 'jug dgos pas/ de rang la cig gtug dgos dgongs nas/ mang yul du byon pas/ lo tsA ba chen po de gung thang yang thog gi gtsug lag khang du bzhugs pa'i drung du byon nas/ dang por gasngags kyi gdams pa chang chung mang du zhus nas bag phab/ de nas phyi de lo la pha rol du phyin pa'i sgrub pa'i gdams pa dang/ jo bo chen po'i sku che ba'i yon tan dang/ bod du spyan drangs lugs gsung ba'i zhu ba phul bas/ lo tsA ba'i zhal nas/ de la nga mkhas pa yin/ lo bcu dgu bsten bod du ngas spyan drangs pas/ jo bo'i lo brgyus rgyus la shin du mkhas pa yin te/ khyod min pa rtsad dpyod pa rang yang ma byung gsung nas/ lo brgyus rgyus chen mo lam yig de'i dus su gsungs/ sgrub