[A:82b] pa'i gdams ngag kyang ma lus par gnang ste/ nyin re la chos thun gsum gsum gsungs/ theg pa chen po sngags kyi sgor yang bcug ste/ dbyar re la sngags kyi glegs bam drug bcu tsam thon par byas te/ lo gsum bzhugs/ bstan rim gyi mtshan 'dogs lugs kyang yung ba pa'i gsung bzhin du 'dug gsung/ de nas mar la 'byon khar/ khyod kyi sgrub pa'i gnas 'di lta bu gcig tu bsgrubs shig 'phag pa spyan ras gzigs zhal mthong bar 'gyur ro zhes lag sor dgon pa'i lung bstan yang mdzad/ de nas mar la skyel thung mdzad de/ 'gro chos cig zhus pas/ gung thang pa'i zhal nas/ dal 'byor rten gyi shes rab can/ tshe 'di ji ltar byas kyang phyid/ bla med byang chub rnyed dka' bas/ 'bad pa chen po bya 'tshal lo/ zhes pa la brten nas chos thun gcig gsungs/ der theg pa chen po mtha' dag gi chos ma lus pa 'dus pa yin gsung/ de nas mar byon phod mdo bas sba len bzang du byas te/ bstan pa la phan pa'i chos cig zhu zer bas/ mdo rtsa dang/ bslab pa kun las btus pa gnyis gsungs/ de nas thams cad lings kyis bskyur nas bla mas lung bstan pa'i gnas lag por dgon par bzhugs te/ nye gnas dang yang mi mjal bar gsol ba bug sgo la blangs te/ sgrub pa rtse gcig tu mdzad pas/ loo gsum na thugs rje chen po'i zhal mthong/ lung bstan te/ khyod kyis tshe 'di nyid du mthong lam thob nas/ slob ma yang sum bcus zhal mthong bar 'gyur gsung/ de nas lo nyi shu rtsa bzhi song ba'i dus rnal lam du mkhro ma mang po byung nas/ jo bo'i ring srel ma sba bar ston zer nas/ ring srel sder gang gtad pa lho phyogs su gtor ba zhig rmis/ phyis