[A:84a] 'di la rol/ drug pa de rnams kyis bstan bcos ji ltar mdzad pa'i tshul ni rgyal bas gdul bya'i bsam pa dang rjes su mthun par/ mdo rgyud kyi gsung rab mtha' yas pa zhig bka' bstsal ba dang/ de'i dgongs pa gsal bar mdzad pa'i shing rta chen po rnams kyis bstan bcos rtsod bral du ma zhig mdzad pa de thamasacad bka' gdams rin po che'i khungs su gtogs pa'i gzhung yin la/ de rnams kyi nang nas bslab spyod gnyis/ sa rgyan gnyis/ skyes tshoms gnyis dang drug la bka' gdams gzhung drug ces gsung ba'i don yang/ zab mo lta ba'i brgyud kyi gzhung bsam gyis mi khyab kyang/ don bslab spyod gnyis su 'du ba dang/ rgya chen spyod pa'i brgyud kyi gzhung bsam gyis mi khyab kyang/ don sa rgyan gnyis su 'du ba dang/ skyes rabs kyis bcom ldan 'das kyi sngon gyi mdzad pa las brtsams te/ byang chub sems dpa'i spyod pa pha rol du phyin pa drug dbye ba dang bcas pa'i don nyams su len tshul gsungs pa dang/ ched du brjod pa'i tshoms dgra bcom pa chos skyabs kyis mdzadapa/ brjod bya sna tshogs pa tshoms su bsdus nas gsungs pas/ chos spyi la gal che bar dgongs te gzhung drug tu mdzad do/ bshes gnyen gong ma rnams 'dul spyod gnyis sheszhes / 'dul bas lhag pa tshul khrims kyi bslab pa dang / spyod 'jug gis byang chub sems dpa'i bslab pa gsum la slob pa/ zab lam rdo rje theg pa'i rten du yang nges par dgos pa la dgongs so/ gzhan yang jo bo'i chos chung brgya rtsar grags pa'am/ byang chub sems dpa'i spyod pa gtso bor ston pas spyod phyogs brgya rtsa zhes pa la/ thog mar dkon mchog rjes su dran pa mchod brjod kyi tshul gyis bstod pa'i