[A:83b] chen po sbyor lam gyi rtogs pa brnyes pa yin gsung/ ba yu nA 'phags pa lce sgom shes rab rdo rje dang/ mnga' ris pa shes rab rgyal mtshan gnyis la gsungs/ de gnyis tshogs lam chen po ba yin gsung/ lce sgom gyis thog mar brag lha dgu phug tu lo brgyad sgrub pa mdzad pas 'phags pa'i zhal dngos su mthong ngo/ bla ma mnga' ris pa la rgyu mtshams kyi brag phug tu bsgrubs/ zhal mthong bar 'gyur gsung nas lung bstan te bsgrubs pas lo bzhi na zhal mthong/ dus rgyun du mi ma yin gyis 'tsho ba drangs gsung/ de gnyis ka la grub thob skyer sgang pas zhus te/ lo phyed dang
bzhi
bsgrubs pas zhal mthong nas/ snyigs ma'i dus su zhal mthong gi brgyud pa mang du 'byung gsung lung bstan mdzad de/ slob ma'ang lnga bcus zhal mthong ngo/ des sangs rgyas gnyan ston la gsungs te/ skyer sgang du dbyar dgun bcu gsum bzhugs/ gdams ngag chig brgyud thams cad ma lus par gnang nas/ lo gsum bsgrubs pas phyag bzhi pa kha sarpa Ni bcu gcig zhal phyag stong spyan stong rnams zhal mthong / slob ma bcu gcig gis zhal mthong ba'i lung bstan mdzad pa bzhin byung gsung / de nas da lta yang rgyud pa ma chad par bzhugs pa dang/ gzhan yang nag tsho nas brgyud pa'i chos skor gsang ba 'dus pa'i bshad brgyud ye shes rdo rje kun las btus la brten pa'i man ngag la sogs pa 'ga' re gnang ngo / 'dir smras pa/ rnam dpyod sha ba
ri'i cod pan las/ kun khyab lha yi lam las 'phags/ blo gsal skye bo'i snang byed du/ rnam thar nyin byed 'od stong shar/ don gnyer rkang drug ldan pa'i tshogs/ dga' dang spro ba'i 'dab gshog can/ dad pa'i ser bus bskyod bzhin du/ legs bshad padmo