[A:87b] logs su nan gyis btab pa'i bka' rgya dang/ rang rgyud la bskul ma 'debs pa dad pa'i ljon shing gnyis/ sbyor dngos gnyis kar gal che la/ lo brgyus rgyus ngo mtshar rmad du byung ba'i dpal 'byor zhes pa glegs bam gyi chos 'byung dang/ rnying snying gi thig le'i gsal byed zung 'jug nyi zla'i thig le gnyis/ snar thang du bkod pa ste/ dpe tshan bzhi po 'di glegs bam dngos gzhi la mi the'o/ byang chub sems dpa'i spyod pa nor bu'i phreng ba ni/ dngos gzhi pha chos bu chos gnyis ka'i rtsa tshig yin la/ pha chos ni/ bla ma rnams la phyag 'tshal lo/ zhes pa nas/ mang po'i nang du ngag la brtag/ gcig pur 'dug na sems la brtag/ ces pa'i bar/ le'u nyi shu rtsa gsum du bsdus nas gsungs pa'i steng du bka' rgya ma/ ma 'ongs lung bstan/ 'chi med rdo rje'i glu'i le'u dang gsum bsnan pas le'u nyi shu rtsa drug dang/ bu chos la/ the tshom thams cad spang bya zhing/ zhes pa las 'phros te/ bram ze'i khye'u gsal ba'i skyes rabs dang/ de nas rim pa bzhin rtsa tshig las brtsams te/ rngog gis zhus pa'i skyes rabs nyi shu la/ rngog chos nyi shu dang/ khu ston phebs nas zhus pa gnyis la/ khu chos gnyis te/ nyi shu rtsa gnyis bu chos yin la/ kha bskong gi le'u ste bzhi bcu zhe dgu ni/ glegs bam dngos gzhi'o/ rgyal ba yab sras kyi bkod pa phun sum pa'i gter zhes pa/ phyis snar thang du byas pa don bsdu lta bur snang la/ 'di yang dngos gzhi la mi the'o/ gzhan yang lam rim dang/ gsung sgros thor bu ba dang/ 'phrin yig dang/ man ngag sna tshogs pa'i skor ro/ dang po lam rim la/ spo to ba nas brgyud pa/ spyan snga ba nas brgyud pa/ gsang phu