[A:88a] ba nas brgyud pa'o/ dang po ni/ dol pa'i be'u bum sngon po dang/ de'i 'grel pa lha 'bri sgang pas mdzad pa/ be'u bum khra bo zhes pa/ glang ri thang pa dpon slob dang/ sha bo sgang pa rnams kyi gsung sgros phyogs gcig tu bsgrigs pa/ dge bshes grab pas mdzad pa'i dpe chos dang/ brag dkar bas de nyid rgyas su btang ba gnyis la brten nas/ lce sgom gyis dpe chos rin chen spungs pa rtsa 'grel mdzad pa grags che ba 'di'i zhabs su spros bsdus byas zhes pa grab pas mdzad pa las cung zad spros/ brag dkar bas mdzad pa'i rgyas pa las/ bsdus shes pa'i don no/ gzhan yang shar ba pas mdzad pa'i lam rim che chung gnyis/ bya mchad kyi gsung sgros thor bu pa rnams dang/ de las brgyud pa blo sbyong gi yig cha che chung dang/ se spyil ba'i lam sgron sa bcad/ Tikka/ sbas pa ston gzhon gyi lam rim dang/ lam sgron Tikka sogs thor bu ba 'ga' dang/ rnal 'byor byang seng gi bstan rim legs pa zhig kyang snang ngo/ snar thang pa'i yig cha yod tshul gong du cung zad re smos la/ kha rag skor gsum gyi nang du dpal ldan dgon pa ba'i gsung sgros bsgrigs pa'i lam rim dang/ gzhan yang gzhung pa nas brgyud pa'i gsung sgros mdzad byang med pa mang du snang ngo/ gnyis pa bshes gnyen spyan snga ba nas brgyud pa la/ dge bshes ston pa'i gsung/ spyan snga ba/ bya yul ba/ gtsang pa rin po che rnams snyan nas snyan du brgyud pa/ rin po che glang lung pas bsgrigs pa'i lam rim dang/ yang rnal 'byor pa nas/ stod lungs pa chen po/ dge bshes lha bzo/ nya ga mo pa/ glang lung pa chen po/ glang lung pa nas/ da lta'i bar du rim par brgyud pa'i