[A:89a] ba ni/ bka' gdams kyi bshes gnyen gong ma rnams bla ma'i gsung la zin bris tsam las mdzad byang mi sbyor ba dang/ slob ma rnams kyis kyang/ bka' 'bum bsgrigs pa sogs cher ma mdzad cing/ gsung sgros thoor bu ba 'dug pa yang yun ring bas kha mthor ba sogs ma spros so/ gsum pa gsang phu ba nas brgyud pa la/ rngog legs shes mdzad pa'i lam rim sho lo ka drug dang/ de'i gsal byed blo ldan shes rab kyis mdzad pa shog bu nyi shu tsam dang/ de nyid rgyas par 'chad pa gro lung pas mdzad pa'i bstan rim chen mo nyid yin no/ gnyis pa gsung sgros thor bu
'i
skor la/ blo sbyong mtshon cha 'khor lo/ rma bya dug 'joms/ dgyer sgom rdo rje'i glu/ blo sbyong sems pa'i rim pa/ gser gling pas jo bo la gnang ba'i rtog pa 'bur 'joms rtsa 'grel blo sbyong lhan thabs bzhi pa/ de'i sgo nas sdig pa bshags pa dang/ 'khon sbyang ba'i cho ga/ ku sna li'i tshogs sog gsog blo sbyong kun du bzang po/ blo sbyong stan thog gcig ma/ blo sbyong thun brgyad ma/ glang ri thang pa'i tshig rkang brgyad ma/ de'i 'grel pa bya ston gyis mdzad pa/ blo sbyong rten 'brel snying po dang/ bka' gdams thor bu ba sogs dang/ gzhan yang rgyal po sa'i saM ghas zhus pa'i bod kyi rnam gzhag sogs mang du snang ngo/ gsum pa 'phrin yig gi skor la/ jo bos mdzad pa gong du bshad la/ lo tsA ba rin chen bzang pos sku mtshams nas grogs po rnams la springs pa/ dge bshes ston pas jo bo spyan 'dren pa'i dus/ mnga' ris nas bod ston rnams la springs pa tshigs su bcad pa bcu dgu pa/ zhang 'phreng kha ber chung la springs pa snga