[A:88b] bstan rim chen mo la/ rin po che na rim gyi zin bris mdzad byang yod med mang du snang ba/ 'be sangs rgyas sgom pas mdzad pa'i zin bris dang/ rin po che gser khang pa'i zin bris dang/ rin po che tshul khrims dar gyi zhal snga nas mdzad pa'i bstan rim chen mo nyid mchog yin no/ lam bstan rim gyi khyad par/ bstan rim du gsungs pa ni/ tshogs su 'chad na bstan pa'i rim pa/ nyams len du dril ba lam gyi rim pa/ gzhung du bkod pa byang chub lam gyi sgron ma ste don gcig la ming gsum btags pa dang 'dra gsung ba dang/ thar pa don gnyer gyi gang zag sangs rgyas kyi sar 'gro ba la bstan pa'i chos thams cad lam gyi rim par dril nas nyams su len pas/ lam bstan pa'i rim pa zhes gsungs pa ltar na/ khyad par cher med kyang cung zad 'byed na/ chos khungs btsun par rtogs pa'i phyir thog mar lo brgyus rgyus dang/ de las brgyud pa rjod byed sde snod gsum dang/ brjod bya bslab pa gsum/ gang zag gcig gi lam du lung rnam dag dang sbyar te 'gal med du ston pa bstan pa'i rim pa dang/ de'i don theg pa chen po'i lam gyi rim par dril nas ston pa/ lam rim zhes gsungs pa yin no/ yang stod lungs pa nas brgyud pa'i bden gnyis dang/ bden bzhi'i chos skor dang/ chos thun rer nyams len don tshan bzhi bzhir bsdus pa/ bzhi tshan chos thun bcu dgu/ ja chos chos thun lnga bcu dang/ jo bos mang yul cog ga ri la ljongs rgyu ba'i dus gsungs pa/ ri chos su grags pa dang/ lam sgron la gong du smos pa'i TIkka dang/ mtshams nam mkha' grags dang/ chu mig pa gnyis kyi TIkka / gzhan yang gsung sgros bkod pa'i TIkka mdzad byang med pa mang du snang