[A:9a] pa'i lam du grong khyer sa la ma na na byis pa ra dzi ta ka'i lag bris las rgyal por lung bstan te/ sgra mi snyan du byon/ na bza' shing la bkal nas khrus mdzad pas/ gos de gzhan gyis khyer ba la nga'i yin byas pas nga bdag can zer nas gtad skad/ der sgra mi snyan pa'i don byas te byon/ dpal gyi ri la gshegs par dgongs nas/ bram ze chen po'i drung du phyag rten la bdud rtsi bum pa gang khyer nas byon pa'i lam du sngar lung bstan pa'i byis pa de rgyal po bde spyod bzang po zhes par gyur te/ des bdag gi mchod gnas su ma mtha'ang lo gsum bzhugs par zhu zer nas gtong du ma nyan te/ lo gsum bzhugs nas rgyal po yab yum gyi don mdzad/ de nas dpal gyi ri la byon/ bram ze chen po la bdud rtsi'i bum pa phul bas/ khyed bdud rtsi la dga' na ngas rgya mtsho 'di yang bdud rtsir bsgyur par bya'o gsung gsungs nas/ skad cig gis rgya mtsho yong yongs bdud rtsir byas so/ de nas slob dpon yab sras dpal gyi ri la sgrub pa mdzad pas/ slob dpon gyis bden pa mngon sum du gzigs/ tshad ma'i skyes bur gyur nas/ dzam 'dzam bu'i gling du seng ge'i sgra lan gsum du bsgrags te/ zab pa lta ba'i gzhung/ rgya che ba spyod pa'i gzhung/ nyams su len pa mang ngag gi gzhung dang gsum mdzad/ zab pa lta ba'i gzhung la/ mtha' bral gyi lta ba gtso bor rigs pas gtan la 'bebs pa rtsa ba shes rab la sogs pa rigs pa'i tshogs drug/ lung dang don ston par byed pa sku gsum la bstod pa la sogs pa bstod pa'i tshogs/ lung rigs cha mnyam gyis gtan la 'bebs pa rin chen phreng ba la sogs pa gtam gyi tshogs mdzad do/ rgya che ba spyod pa'i gzhung la/ byang chub sems dpa'i spyod pa lung gi sgo nas ston pa mdo kun las btus pa sogs dang/