[A:9b] rigs pa'i sgo nas ston pa theg chen blo sbyong sogs dang/ gzhan yang bshes pa'i spring yig dang/ shes rab brgya pa sogs mang du mdzad do/ nyams su len pa man ngag gi gzhung la/ dpal gsang ba 'dus pa'i bsgrub thabs mdor byas la sogs pa skyed rdzogs kyi gzhung mang du mdzad cing/ gzhan yang rig gnas thams cad pa la bstan bcos re yang mdzad/ lo drug brgya bzhugs nas bstan pa ches cher gsal bar mdzad do/ lang kar gshegs pa las/ rab tu dga' ba'i sa brnyes par gsungs/ rnga bo che'i mdo las/ sa bdun pa bar bshad cing / sgron gsal las/ sngags kyi lam la brten nas sku tshe de la rdo rje 'chang gi go 'phang mngon du mdzad par bshad pa rnams don la mi 'gal te/ rdo rje 'chang brnyes pa ni long sku'i dbang du mdzad la/ sku lus kyi bkod pa du ma bstan te/ dang po bde ba can du byon pa dang/ dang po byams pa'i drung du mdo sde'i don shin du phra ba rnams dri bar mdzad pa dang/ ma 'ongs pa na ye shes 'byung gnas 'od ces par 'tshang rgya bar gsungs pa rnams ni sprul pa'i sku'i mdzad pa'i dbang du gsungs so/ bdag nyid chen po klu sgrub la slob ma'i mchog arya de wa zhes grags pa/ 'jam dpal rtsa rgyud las lung bstan pa de nyid/ sngon ston pa'i spyan sngar 'khor gyi nang nas byang chub sems dpa' lag na padmo zhes pas mu stegs 'bul bar smon lam btab cing/ ston pas
kyang
rjes su gnang ba de nyid/ sing gha la'i rgyal po'i me tog gi ldum rar padmo'i sbubs las 'khrungs pas/ rgyal po'i sras su gzung ba klu sgrub kyi spyan sngar rab tu byung ste/ rig gnas mtha' dag la mkhas par gyur pa des/ ma gol zhes pa lha dbang phyug gis