[A:90b] lnga pa dang/ le'u sum bcu rtsa gcig pa rnams/ jo bos rnal 'byor pa/ des spyan snga ba/ des bya yul ba la brgyud pa'o/ tshogs bdag dkar po 'di 'jig rten pa'i tshul bstan kyang/ kha gcig spyan ras gzigs kyi sprul par bzhed/ bka' brgyud 'di'i lugs kyi bdud rtsi 'khyil pa'i sprul par bzhed de mi 'gal lo/ yang dzam bha la dkar po 'brug zhon lha mo bzhis bskor ba ni/ jo bos ri bo po ta la'i 'gram du byon pa'i dus/ spyan ras gzigs kyis zhal dngos su bstan nas gnang te/ phyi nang gsang gsum gyi las tshogs dang/ chu sbyin bya thabs sogs dang/ rme brtsegs ljang khu'i sgrub thabs las tshogs dang bcas pa dang/ gtsug tor dri med/ gtsug tor gdugs dkar gyi rjes gnang la sogs pa jo bo nas brgyud pa da lta ma chad par bzhugs so/ jo bo nas brgyud pa'i dbang brgyud yod pa la/ bde mchog lu yi pa/ bde mchog bcu gsum ma/ gsang 'dus 'phags lugs/ ye shes zhabs lugs/ jo bo nyid kyi gsang 'dus 'jig rten dbang phyug/ ma hA ma yA/ mi 'khrugs pa/ yo ga gtsug dgu/ kun rig jo bo lugs/ sgur pa rnams de las brgyud cing phyag len mdzad pas sgur lugs su grags pa dang/ rdo rje phag mo rin chen rgyan dang/ spyan ras gzigs lha mangs su grags pa/ klu sgrub dang jo bo nyid kyis mdzad pa'i gzhung dang rjes su 'brel ba'i dbang bka' la sogs pa da lta bzhugs pa mang du snang ngo/ chos skyong skor la/ bka' gdams pa spyi la grags pa/ mgon po gri gug la gtso rkyang/ lha gsum/ lha bzhi/ lha lnga/ lha mangs sogs lugs mang du 'dug pa rnams la/ mgon po'i rgyud 'ga' re dang/ rgya gzhung che chung bcu bco lnga tsam snang ba'i