[A:91a] gtso rkyang la jo bo chen po dang/ a ba dhU ti pa gnyis kyi gzhung re dang/ de la paNDi ta 'jam dpal dbyangs kyi 'grel pa dang/ gtso 'khor gsum du byed pa paNDi ta grags pa rdo rje'i rgya gzhung dang/ de'i gsal byed/ bya yul bas mdzad pa la brten nas/ byin brlabs kyi brgyud pa yang mnga' bas/ bla ma gong ma rnams 'di mdzad pa mang la/ lha bzhi byed na/ mgon po'i mdun du gnod sbyin lag na rdo rje/ rdo rje gsor thabs su 'dzin pa/ gnod sbyin grangs med pa'i tshogs kyis bskor ba/ nA ro pa'i gzhung dang bskul nas 'byung ba bzhin bskyed pa dang/ yang lag na rdo rje'i dod du mgon po traka shad yod pa/ bod kyis byas pa'i lha bzhi gcig kyang 'dug go/ lha lngar byed na/ paNDi ta las kyi rdo rje'i gzhung ltar/ lcam dral gsum gyi mdun du gtum po lce spyang gdong can dang/ rgyab tu srin po legs sred dmar po gnyis bskyed la/ legs sred dmar po 'di lho nub pa yin par bzhed cing/ mdun du bskyed nas las la bkol ba'i sgrub yig kyang yod do/ yang jo bo'i rgya gzhung du gtso bo la mkha' 'gro ma bzhis bskor ba'i lha lnga cig gsungs pa dang/ yang gri gug rigs lnga dang/ gtso bo la gshin rje pho brgyad mo brgyad kyis bskor ba/ lha bcu bdun zangs gri can du grags pa gnyis la/ bram ze mchog sred kyi gzhung che chung/ dbang rgyud dang bcas pa yod pa dang/ yang gtso bo la ye shes zhabs lugs kyi phyogs skyong bcu bco lngas bskor ba dang/ mgon po rta mangs su grags pa/ mgon po'i bskul nas 'byung
ba
sogs yod pas/ de dag gi mngon rtogs dang rgya gzhung gang nas gang bshad sogs don du gnyer na gzhan du blta'o/ yang