[A:92a] rgya dpe'i dgos kyi bka' srungs la byon zhes 'byung la/ nam mkha'i gos can zhes pa sku gcer bu'i don yin kyang/ rgyan can sogs ni zhal gzigs yin no/ bya yul gyi lha mo dmar mo ni/ re ma ti mched bzhi'i dbang gi re ma ti yin te/ 'di la tsaNDi
dmar mo
zhes pa gtum mo dmar mo zhes pa'o/ gzhan yang sngon gyi skyes chen rnams kyi gsan yig che chung dang/ bla ma rnams kyi gsung las mang du thos kyang/ 'dir rgyas par ma spros shing/ 'di tsam zhig smos pa yang/ kha gcig la mangs pa dang/ dgos pa chung ba'i blo skye ba srid pa yin pas/ legs par bshad pa snang yang don du mi gnyer la/ dus kyi dbang gis lugs 'di dag don du gnyer ba dka' bar snang yang/ 'di dag la brten nas kyang rags pa tsam rtogs shing/ zhib tu 'tshol ba'i sgor 'gyur ba srid dam snyam nas bkod la/ blo gros dang ldan zhing bka' brgyud 'di la dad pa dang ldan pa rnams kyis ji ltar rigs pa bsnan cing spel bar bya'o/ 'dir smras pa/ de skad mang du thos pa'i smra ba pa/ lha'i dbang po'i mgrin pa'i dkyil 'khor las/ ngo mtshar gtam gyi 'od 'phreng gsar pa 'di/ skal ldan blo gsal mgrin pa'i rgyan du 'bul/ de ltar gangs ri'i khrod 'dir rgyal ba'i bstan pa 'dzin pa'i skyes chen paN grub bsam gyis mi khyab pa zhig byon pa las/ bstan pa spyi la bka' drin che ba sngon mkhan chen zhi ba 'tsho dpon slob nas brgyud pa dang/ phyis dpal ldan a ti sha'i bka' brgyud nyid mchog yin la/ gzhan yang mdo rgyud tshad ldan gyi tshig don/ shing rta chen po rnams kyis bkral ba'i lam