[A:92b] srol 'dzin cing spel bar mdzad pa'i skyes bu dam pa rang rang gi chos srol gang 'dzin kyang gtsug gi nor bu ltar bsten cing/ yon tan brjod pa'i gnas su gyur pas/ chos dang gang zag la ris su bcad nas smra ba'i blos ma yin gyi/ bka' gdams kyi bshes gnyen gong ma de rnams yon tan sbed pa la gtso bor mdzad pa ni/ glegs bam las/ jo bo yab sras kyi skyes rabs rnams chos lugs mi gcig pa'i snod min la gsang bar yang gdams shing/ lam yig las kyang/ bka' gdams pa gong ma rnams kyi bzhed pa skye ba dran pa tsam la yon tan du mi mdzad/ sbas pa'i gter bsrung sla ba bzhin du/ yon tan thams cad nang du sbed pa yin/ bla ma rje btsun chen po la phyag dar ston pa sogs kyis/ jo bo'i sku tshe snga phyi dang/ sangs ji ltar rgya ba'i lo brgyus rgyus yi ger bri ba zhus pas/ gtsug tor du bcad do/ phur bus gdab po bya ba de bgegs la nus pa med par byed pa yin/ de bzhin du bka' dang bla ma'i man ngag la tshig gi phur pa btab pas byin brlabs chung du 'gro ba yin/ des na chos tshong dus kyi 'o ma bzhin du 'gro bas/ tshig zin par bya/ don go bar bya/ rtogs pa rgyud la skyes par bya/ yi ger mi bri bar bya gsung nas/ phyag dar la nan chags su mdzad cing gsungs shes khungs su mdzad nas/ rjes su 'brang ba rnams kyis kyang rnam thar rgyas pa ma bkod cing/ gdul bya thun mong ba dang bstun pa'i rnam thar mdor bsdus tsam dang/ 'das dus ngos 'dzin gyi yi ge che chung ma gtogs/ rnam thar phyogs gcig tu bsgrigs pa