[A:11b] blo sbyong gyis gis la bstan pa dar bar gyis shig gsungs pas/ rab tu byung ste/ gcen gyis ri bya rkang gi phug tu rje btsun byams pa lo bcu gnyis kyi bar du bsgrubs pas/ zhal mngon sum du bstan nas khyod ci 'dod gsung ba la/ theg pa chen po'i chos dar bar 'dod zhus te/ byams pa'i chos gos kyi grwa la 'jus nas dga' ldan du byon/ lha'i dro skad tsam du bzhugs nas/ yum gyi mdo la sogs pa theg chen gyi mdo sde mang du gsan/ de dag gi don ston pa'i bstan bcos brtsom rtsom par zhus pas/ byams chos sde lnga mdzad/ de nas thogs med kyis dzam 'dzam bu'i gling du byon nas byams chos sde lnga yi ger btab/ mdo'i dgongs 'grel sa sde lnga/ sdom rnam pa gnyis/ de nyid rnam nges dang/ rgyud bla'i 'grel pa dang/ dgongs 'grel gyi 'grel chen sogs bstan bcos mang du brtsams te bstan pa ches gsal bar mdzad cing/ sa gsum pa'i rtogs pa brnyes so/ gcung dbyig gnyen gyis kha cher slob dpon 'dul bzang gi drung du byon/ mngon pa sde bdun dang/ dgra bcom pa nyer sbas kyis mdzad pa'i bye brag tu bshad pa gzhung 'bum phrag gcig yod pa gsan pas tshegs med par mkhyen nas rgya gar du byon/ gcen la theg chen gyi chos mang du gsan/ 'bel gtam mdzad pas gcung spobs pa shin du myur/ gcen cung zad bul ba'i lan bzang po byung/ de'i rgyu ci yin zhus pas/ khyod skye ba lnga brgyar paNDi tar gyur pas skye stobs kyi shes rab che ba yin/ nga de lta bu min pas yi dam zhig la dris shing lan 'debs pa yin gsungs/ de bdag la ston par zhus pas/ rje btsun la zhu yi gsung ste zhus pas/ kho so so skye bo yin zhing/ dang po theg chen la skur pa btab pas sgrib pa sbyang ba'i phyir du theg chen gyi mdo 'grel mang du brtsoms brtsams /