[A:13a] zhes pa yum la lhag par dad pa zhig byung ste/ phyogs kun du yum 'chad pa tshol ba la zhugs pa na/ de'i tshe yum 'chad pa la slob dpon seng ge bzang po mkhas par thos pas/ spyan 'dren du gtang ba'i pho nya dang lam
du
'phrad pa las 'phros te/ rgyal po sa bskyong skyong pa'i lo brgyus ni/ sngon rgya gar shar phyogs seng ldeng gi nags su shing gi lha zhig yod pa dang/ yul de'i phyugs rdzi dus las 'das pa'i chung ma phyugs 'tshor song ba gnyis kyi bu gau pa la zhes pa la/ phas nor bu rin po che byin pas de'i yon tan gyis sa thams cad la kha lo bsgyur ba zhig byung ste/ des na lentra brtsigs so/ de'i btsun mo dbang chung bas/ rgyal po dbang du bya ba'i phyir/ slob dpon bram ze zhig la rig pa zhus pas/ des ri bo gangs can la sman blangs te rgya btab nas bran mo la bskur bas/ de stegs 'dred de lhung ba chus khyer ste ril gyis rgya mtshor zhugs pa/ klu'i rgyal pos blangs te zos pas/ klu'i rgyal po rgya mtsho skyong dbang du gyur nas btsun mo dang phrad pas/ sras dpal ldan chos skyong bltams so/ des lha khang gzhan las khyad par 'phags pa zhig brtsigs par 'dod nas ltas mkhan la dris pas/ dge sbyong dang bram ze'i ras la sdong bu byas te/ rgyal po dang/ tshong dpon gyi khyim nas mar blangs shing/ dka' thub pa'i lha gnas nas skong bu blangs te mar me spar ba yi dam gyi mdun du gzhag ste gsol ba btab na/ chos skyong gi sprul pas skong bu skyur bar 'gyur bas der brtsigs shig zer nas de ltar byas pas/ de ltar byas pas bya rog zhig phyung nas skong bu mtshor skyur bas yi chad pa na/ mtshan mo klu'i rgyal po sbrul mgo lnga pa byung ste/ nga khyod kyi