[A:13b] pha yin pas mtsho bskams la rtsig tu gzhug go/ zhag bdun bdun na mchod pa chen po gyis shig zer te de bzhin byas pas/ zhag nyer gcig na mtsho bskams te/ o tanta pu ri'i gtsug
lag
khang bzhengs so/ rgyal po de la sras/ rgyal po dang/ paNDi ta dang/ grub thob dang/ sdig spyod kyi rgyal po dang bzhi las/ tha ma nor gyis brel dogs nas nor bu byin no/ de'i sras bde ba pA la zhes pa byung/ de'i sras rgyal po sa skyong yin te/ des gong du bshad pa ltar slob dpon seng ge bzang po spyan drangs te sbyin bdag mdzad nas/ 'phags pa'i 'grel pa dang mthun par nyi khri le'u brgyad ma dang/ brgyad stong pa dang sbyar ba/ brgyad stong 'grel chen dang/ yum gsum char gyi rgyan du bsgrub pa 'grel pa don gsal dang/ gzhan yang rgyud 'grel rtogs par sla ba dang/ sher phyin bsgom pa la 'jug pa la sogs pa mdzad do/ bstan pa ches gsal bar mdzad do/ de'i slob ma ku pA li che ba yin la/ ku pA li ni bod skad du dge ba can zhes te/ mtshan dngos ni che ba la rin chen bzang po/ chung ba la rin chen mdo zer/ che ba ni rigs bram ze yin la/ lung gi yon tan rig pa'i gnas mtha' dag la mkhas pa/ 'jam dpal dbyangs la chos dngos su gsan pas rtogs pa'i yon tan phun sum tshogs pa dang ldan cing/ lam yig las/ sangs rgyas mya ngan las 'das nas bstan pa 'od srungs chen po la gtad/ des kun dga' bo la/ des gcig nas gcig tu brgyud pa'i man ngag mnga' ba ku pA li che ba yin/ gsang ba 'dus pa la brten nas phyag rgya chen po'i dngos grub thob pa'i man ngag slob dpon klu sgrub nas brgyud pa/ sangs rgyas ye shes zhabs nas brgyud pa/ inDra bhu ti