[A:20b] 'bral ba bsrung ba'i rten dang bcas ba phyag tu byung ba bod du spyan drangs shes zhes 'byung ngo/ de ltar nA ro pa la chos mtha' dag rdzogs par gsan kyang/ bar du dpal mchog Do mI ba 'byung ba byin brlabs kyi brgyud pa yin par lam yig las gsungs te/ de'i lo brgyus rgyus ni/ Do mI ba rigs ngan zhig phyugs 'tsho ba/ nA ro pa yul dbus kyi nags khrod zhig tu bsgom gyi bzhugs pa la dad de/ nyin re bzhin go la'i shing khres btsongs pa'i rin gyis bsnyen bkur byas pas/ khyod nga la dad dam gsung/ dad zhus pas/ 'o na bya ba ngan pa spongs la nga'i nye 'khor du sdod gsung ste/ dbang bskur byin gyis brlabs/ sgrub pa mdzad pas
mchog gi dngos
grub brnyes te/ grags pas kun tu khyab po/ dus der jo bo bi kra ma la shI la'i gtsug lag khang du yon tan gyis ngoms pa lta bur bzhugs na'ang/ Do mI ba'i snyan pa gsan pas/ bdag byin gyis brlabs pa'i sgor zhugs nas gsol ba btab pas/ rnal lam du nam mkha' la dge slong gnyis mi sha lag pa gcig za yin byung ba/ jo bo la yang gsol zer bas/ dge slong la sbom por mi 'gyur ram dgongs pa na rgan pa la gzhon pas sangs rgyas la 'khrul pa mnga' 'am zer ba la rgan pas mi mnga' zer ba'i lan la dgongs de gsol bas/ sang nyi ma dro kha'i bar ting nge 'dzin gcig tu gyur phyis dngos su mjal te/ gsang sngags kyi chos mtha' dag rdzogs par gsan no/ de dag rnams ni brgyud pa gsum gyi yon tan rdzogs par mnga' tshul zur tsam smos pa ste rgyas par gzhan du blta zhing/ gzhan yang sngags mtshan nyid rdzogs par gsan pa so so'i brgyud pa cung zad 'og tu 'byung la/ gtso bor brgyud pa gsum du 'dus par gsungs te