[A:21b] 'dir smras pa/ kun mkhyen gangs ri'i dbang po las 'ongs pa'i/ dngos grub rlabs kyi phreng ba gangga'i rgyun/ skyon bral shing rta chen po'i lam las drangs/ skal bzang gdul bya'i zhing rnams smin par mdzad/ bzhi pa srol 'dzin a ti sha'i rnam thar ni/ bskal pa dpag tu med pa'i sngon rol du/ bcom ldan 'das thub pa chen po dang thugs mnyam du bskyed cing/ ston pa sangs rgyas pa'i dus/ rgyal sras bzang po skyong zhes par bzhugs shing bskal bzang 'di la sangs rgyas kyi mdzad pa ston par bka' gdams glegs bam las gsungs/ sku skye ba 'di'i rnam thar thun mong du grags pa rnams lam yig tu 'byung ba dang/ thun mong ma yin pa snod min la gsang ba rnams zur du rgyas sdus du ma snang yang 'dir gdul bya thun mong ba dang gtso cher mthun pa zur tsam bkod na/ shing mo glang la bod du rgyal po glang dar gyis bstan pa nub par byas pa de nas lo don brgyad song ba'i dus/ jo bo chen po sku 'khrungs te/ de'i rnam thar ni paNDi ta sa'i snying po dang/ nag tsho lo tsA ba gnyis kyis pho brang na bzhugs pa'i dus dang/ thar par gshegs pa'i yon tan gnyis su gsungs pa'i/ dang po la gnyis/ long spyod dang rigs phun sum tshogs pa/ rten de la yon tan brnyes tshul lo/ dang po ni/ rdo rje gdan gyi shar phyogs bhaM ga la za hor gyi yul na grong khyer bi kra ma la pu ri zhes pa mi khyim 'bum tsho nyi shu rtsa bdun yod pa'i dbus na/ pho brang gser gyi rgyal mtshan can zhes pa/ gser gyi rgyal mtshan stong phrag nyi shu rtsa lnga/ skyed mos tshal dang rdzing bu lnga stong/ ta la'i phreng ba bdun gyis bskor ba/ mdor na long spyod mnga' thang 'byor pa/ rgya nag stong khun rgyal po dang