[A:23a] bskul te/ phal chen sde pa'i nang nas 'jig rten las 'das par smra ba'i sde pa/ sangs rgyas ye shes zhabs nas mkhan brgyud lnga tshigs pa/ theg chen sbyor lam pa shI la rakShi ta zhes pa tshul khrims bsrung ba las rab tu byung zhing bsnyen par rdzogs/ mtshan dI pam ka ra shrI dznyA na zhes btags te/ dI pam mar me/ ka ra mdzad/ shrI dpal/ dznyA na ye shes la 'jug/ ti pam zhes pa la go/ dgung lo nyer brgyad dam/ nyer dgu la rab tu byung/ de nas o tanta pu rir bla ma dharma rakShi ta la bye brag bshad mtsho sogs theg dman gyi bstan bcos dang/ sde pa bzhi ka'i 'dul ba lag len dang bcas pa gsan sbyong mdzad do/ gzhan yang brgyud pa gsum ldan gyi bla ma rnams la sde snod mtha' dag gsan nas mkhas pa'i grags pas phyogs thams cad du khyab la/ khyad par
du
byang chub kyi sems bsgom pa'i man ngag la nan tan snying por mdzad de gsan pas/ bla ma gsum gyi gdams ngag rdzogs par mnga' zhing/ lo tsA ba'i bstod pa las/ rtag tu bsten pa'i bla ma ni/ shAnti pa dang gser gling pa/ bha dra bo dhi dznyA na shrI/ dngos grub thob pa mang po dang/ khyad par du ni klu sgrub nas/ gcig tu gcig tu brgyud pa yi/ zab pa dang ni rgya chee ba'i/ gdams pa khyed la mnga' ba yin/ zhes so/ de la zab pa lta ba'i bshad pa dang/ man ngag 'phags pa klu sgrub nas brgyud pa dang/ rgya chen spyod pa'i brgyud pa 'phags pa byams pa nas brgyud pa gnyis gong du smos pa dang/ rje btsun 'jam dbyangs kyis rjes su gzung ba/ ngo mtshar can gyi gtam bdun la sogs pa'i yon tan dang ldan pa'i rgyal sras zhi ba lha la brgyud pa ste/ brgyud pa gsum gyi gdams ngag rdzogs par mnga' zhing/ so sor phye na gasngags la yang brgyud pa lugs lnga las