[A:22b] byang chub bzang po/ rig pa'i khu byug a ba dhU ti pa/ rnal 'byor sa rA hU la gupA/ bod skad du gsang ba'i sgra gcan 'dzin zhes pa rnams la theg pa chen po'i chos mtha' dag dang/ khyad par rA hu la la dgyes rdor zhus/ mtshan ye shes gsang ba'i rde rje zhes btags/ rgyud man ngag dang bcas pa rdzogs par gsan/ de nas lo drug rig pa brtul zhugs kyi spyod pa mdzad/ khyad par du rgyud sde bzhi la sbyangs pas mkhas shing grub pa brnyes/ yi dam mang po'i zhal gzigs/ ting nge 'dzin dpag tu med pa 'khrungs/ mngon shes lnga thob/ rdo rje rnal 'byor ma dang zhal dngos su mjal/ dkyil 'khor sprul nas dbang bskur te/ rgyud man ngag 'dus par gnang ngo/ de'i tshe sngags la mkhas pa'i thugs rgyal byung ba la/ mkha' 'gro ma rnams kyis o rgyan nas rgyud kyi glegs bam bsam gyis mi khyab pa spyan drangs te thugs rgyal bcag/ de dus bhaM ga la'i bstan pa phal cher mu stegs pa la shor ba dang/ de'i gnas brtan mya ngan du gyur pa la/ jo bo 'di slongs mo ba'i tshul gyis bzhugs pa'i tshe/ sku la 'od zer 'phro ba mthong bas mu stegs dang rtsod nus sam zhus pas nus gsungs/ de nas dus byas te brtsad pas/ phyi rol pa thams cad tshar bcad de bstan pa la btsud do/ gnyis pa ni/ jo bo'i dgongs pa la/ da ni rnal 'byor pa'i chu lugs kyis nags sam/ dur khrod du bsdad la gasngags kyi sgo nas mchog bsgrub dgongs pa na/ rA hu la gupA ri bya rkang can na bzhugs pas mkhyen nas/ rdzu 'phrul gyis byon nas rab tu 'byung bar bskul ba dang/ rnal lam du gtsug lag khang chen po na ston pa nyan thos dang bcas pa'i gral bsham na bzhugs pa la/ thub pa'i gsung nas/ mi ma ki ci la chags nas rab tu mi 'byung
gsung
bas thugs