[A:24a] rgyas par 'byed pa shAnti pa/ bstan pa'i rtsa ba blo sbyong gi sgor 'jug pa gser gling pa chos kyi grags pa rnams te/ mkhas pa'i yon tan gong gi bla ma brgyud pa de dag thams cad kyi yon tan rdzogs par mnga' zhing/ rdo rje gdan byang chub chen po'i pho brang du mu stegs kyi smra ba ngan pa lan gsum du chos kyis pham par mdzad nas sangs rgyas kyi bstan pa gzung zhing/ btsun pa'i yon tan so thar dang 'gal ba'i nyes pa 'ong ma myong/ byang sems dang/ gsang sngags kyi sdom pa la cung zad byung srid kyang/ bshags bsdam sogs kyis nyes pa dang zhag tu 'grogs ma myong gsungs/ rtogs pa'i yon tan byang chub kyi thugs la mnga' brnyes/ ting nge 'dzin phun sum tshogs pas spyan dang mngon par shes pa'i yon tan dang ldan/ dhA ri ka pa'i slob ma bram ze sdom pa bzang poo sogs la bde mchog gi skor gsan nas/ shar phyogs bhaM ga la 'od ma'i tshal me tog gling du sgrub pa mdzad pas/ bde mchog gi dkyil 'khor zhal gzigs bstod pa yang mdzad/ rnal thun gcig la rgyud rgyal 'bum tsho gcig dang bzhi brgya lnga bcu rtsa lnga gsan par mdzad/ chos kyi gaNDi'i sgra nam mkha' la bsgrag pa gsan pas/ skye ba med pa'i don thugs su chud pa sogs de lta bu'i yon tan rnams dang ldan pa'i jo bo chen po de nyid kyi snyan pa'i grags pas 'phags yul kun du khyab ste/ de'i tshe ma ga dha dang/ o tanta pu ri dang/ so ma pu ri dang/ na lentra dang/ bi kra ma shI la'i gnas gzhi rnams na paNDi ta dang grub thob shin du mang yang/ thams cad kyi gtsug gi nor bu lta bur bzhugs pa'i dus su/ rgyal po dharma pA las jo bo rdo rje gdan nas bi kra ma shI lar spyan drangs nas/ bstan pa'i bdag por mnga' gsol ba las 'phros te/ bi kra ma shI la bzhengs pa'i