[A:24b] lo brgyus rgyus cung de bshad na/ nA lentra na slob dpon chen po kampa la bya ba phyag rgya chen po'i dngos grub brnyes pa gcig bzhugs pa des/ chu bo gangga'i 'gram na brag de'u gcig yod pa de'i steng du gtsug lag khang brtsigs na sangs rgyas kyi bstan pa la phan che bar mngon shesakyis gzigs nas/ de rtsig pa la rab tu byung ba bas rgyal po'i rten nus pa che bar dgongs te/ rgyal po go pA la'i sras de ba pha la bya ba mnga' rigs phun sum tshogs pa dang ldan pa de'i btsun mo'i rmi lam du dge slong snam sbyar dmar ser gyon pa lhung zed dang mkhar sil thogs pa gcig gnas g.yar zer ba rmis te/ rgyal po la brjod pas/ do nub kyang byung na gnas btang gi gyis gsungs/ yang byon pa la de ltar byas pas/ rgyal po de'i sras su sku skye ba bzhes pa/ rgyal po dharma pA la bya ba yul dbus ma ga dha thams cad la dbang bsgyur ba des/ brag de'u'i khar gtsug lag khang bzhengs te/ de la phyogs bzhir ming bzhi grags pa las/ byang phyogs pa la bi kra ma shI la bya bar grags te/ bod skad du tshul khrims kyi ngad dang ldan pa bya bar 'ong/ der rtsa ba'i sde bzhi'i dge slong tshang bar bzhugs shing 'tsho ba yang rgyal pos sbyor ba dang/ rig pa'i gnas lnga'i 'chad nyan dar bas/ der bzhugs pa'i rab byung phal che ba paNDi ta sha stag yin no/ de'i tshe rdo rje gdan nas jo bo rje bi kra ma shI lar/ rgyal po dharma pA las spyan drangs/ 'di kho na lhag par gzigs te/ a ti sha zhes mtshan gsol ba/ bod kyi skad du phul du byung ba zhes bya ste/ de rnams kyi gtsug gi nor bu lta bur mnga' gsol te/ rgol ba ngan pa thams cad tshar bcad/ sangs rgyas kyi bstan pa'i srog shing lta bur bzhugs nas/ sde pa tha dad pa rnams kyi byin len la sogs pa blang dor gyi gnas phra mo rnams yan chad