[A:2b] zla bo stobs chung ba la snying rje skyes pa'i rkyen gyis dang por thugs bskyed par bshad/ phung po gsum pa las/ tshong dpon gyi bu mngon dgar gyur pas sangs rgyas mdzes chen gyi drung du thugs bskyed pa dang/ rdza mkhan gyi bu khye'u snang byed du gyur pas sangs rgyas shAkya thub pa chen po la thugs bskyed par bshad de/ mi 'dra ba ni gdul bya'i bye brag gam snga phyi yin pas 'gal bar mi sem mo sems so/ gnyis pa tshogs bsags tshul ni/ byang chub sems dpa'i sde snod las/ grangs med bdun dang / bcu dang/ so gsum sogs bshad kyang/ mdo de sde rgyan las/ grangs med gsum du gsungs pa ltar na/ mdo las/ dang po gzhon nu brtson 'grus spyod du gyur pa na/ de bzhin gshegs pa phung po chen po la dge ba'i rtsa ba bskrun pa nas brtsams te grangs med gcig tu tshogs bsags pas sa dang po thob bo/ de nas tshong dpon shes rab bzang du gyur pa na/ de bzhin gshegs pa dkon mchog yan lag bsnyen bkur ba nas bzung ste grangs med gcig tu tshogs bsags pas sa bdun pa non par gyur/ de nas bram ze'i khyi'u sprin du gyur pa'i tshe bram ze mar me'i bdag po'i sras de bzhin gshegs pa mar me mdzad rgyal po dgra 'dul gyi pho brang padma can zhes pa'i tshong 'dus dang nye bar bzhugs pa la/ lha rnams kyis mchod pa 'bul ba mthong nas dris pa/ khyed kyis mi shes sam/ 'di na sangs rgyas mar me mdzad bzhugs so zer bas dad de/ utpa utpal la lnga nyos pa sangs rgyas la gtor/ kr-iShA sa le'i lpags pa bting nas/ mar me mdzad de bzhin gshegs pa kun nas spyan bdag gi lhag pa'i bsam pa thugs su chud par mdzad 'tshal lo ri dgas kyi lpags pa 'di la zhabs mi 'jog gam/ lung mi ston na 'di nyid du lus skam par bya'o zhes yi yid dam bcas pas/ ston pas zhabs