[A:3a]gzhag bzhag ste ma 'ongs pa'i dus su de bzhin gshegs pa shAkya thub pa zhes bya bar 'gyur ro zhes lung bstan pas/ nam mkha' la 'phags te ting nge 'dzin brgya stong mngon du byas nas sa brgyad pa thob ste/ ji skad du/ sangs rgyas mar me mdzad la utpal lngas/ gtor te ral pa gdan du bting byas pas/ mi skye'i chos la bzod pa thob gyur nas/ shAkya'i rgyal por 'gyur zhes nga lung bstan/ zhes pa dang/ lung las/ gang tshe mar me mdzad kyis nga/ lung bstan gyur pa de yi tshe/ sa brgyad pa ni thob gyur te/ dbang bcu dag kyang thob par gyur/ zhes so/ de nas grangs med gcig tu tshogs bsags pas sa bcu rdzogs par gsungs pa 'dir don la gnas so/ tshogs kyi ngo bo ni bsad bsod nams dang ye shes te/ pha rol du phyin pa drug/bsdu ba'i dngos po bzhi dang ldan pa la 'jug ste/ rgyas par gzhan du blta'o/ gsum pa sangs rgyas pa'i tshul ni/ de yang bram ze'i khye'u bla ma las rim gyis tshe 'phos nas dga' ldan du lha'i bu dam pa tog dkar du gyur te/ dga' ldan gyi lha rnams la chos ston pa na/ sngon gyi dge ba'i mthus/ lha rnams kyi rol mo'i sgra las mar me mdzad kyi lung bstan dgongs par mdzod/ ces sogs kyis bskul ba gsan pas dzam 'dzam bu'i gling du gzigs pa rnam pa bzhi'am lnga las/ bzhi ni rgya cher rol pa las/ gnas dzam 'dzam bu gling/ dus tshe lo brgya pa/ rigs rgyal rigs/ yum sgyu ma lha mdzes sam/ lung ltar na/ btsun mo'i 'khor dang lnga la gzigs te gshegs par bzhed pa na/ ma pham pa nyid kyi rgyal tshab tu dbang bskur/ de nas mang pos bkur ba'i rgyal po nas mi rabs sa ya gcig