[A:27a] rgyal pos bzung bas/ de'i dbon po lha bla ma byang chub 'od kyis khu bo blu ba dang/ a ti sha spyan 'dren pa la dka' spyad ji ltar mdzad pa'i tshul/ lam yig las 'byung ba rnam thar chos kyi 'byung gnas su rgyas par gsungs pa ni/ a ti sha spyan 'dren pa'i pho nya la/ nag tso lo tsA ba rgyu mtshan du mas legs par dgongs te/ lha btsun pas spyan sngar bos/ bsnyen bkur nas/ 'dul ba 'dzin pa la zhu na/ nga'i yab mes rgyal blon byang chub sems dpa' de rnams kyis/ sangs rgyas kyi bstan pa'i dbu brnyes/ srol btod/ dar zhing rgyas par mdzad pa yin pa la/ dus ding sang sangs rgyas kyi bstan pa nyam dmas/ bdud rigs kyi sems can kha rgyal/ chos ltar bcos pa rnams dar bas/ shes pa skyo bar byung/ nged khu dbon gnyis kyis mi 'dis go chod dam/ 'dis sangs rgyas kyi bstan pa la sems snyam pa rnams la/ gser srang brgya skor res ma mtha' byas jo bo gdan 'dren du btang ba yin na'ang/ bstan pa'i bya ba ches pas gdan ma 'drongs drongs/ des kyang blo ma bsad par/ lha chen po des bal yul gyi mtha' mkhob tu jo bo gdan 'dren pa'i gser 'tshol du byon pas/ gar log gi rgyal pos/ chos kyi rgyal po paNDi ta gdan 'dren pa'i gser 'tshol bar rig nas/ 'di'i pha mes
rnams
kyis sngon yang sangs rgyas kyi bstan pa dar bar byas 'dis kyang paNDi ta gdan 'dren/ bstan pa dar bar byed pas/ gzung la btson khang du chug zer nas mnar/ de bdag gis thos pas khu bo ldog tu phyin yang/ gar log gi rgyal po tshan ches nas ma ldog yang dmag byas na ldogs par snang ste/ de'i bar du 'gro ba mang po'i srog 'chad pa dang/ nga rang la yang bar chad byung na jo bo spyan mi 'drongs drongs par gda' bas/ khong rang dang bstun/ kho na re/ 'o na