[A:26b] lta spyod ya bral gyis sangs rgyas thob par 'dod pa sogs chos ltar bcos pa sna tshogs kyis bstan pa rin po che dri ma can du gyur cing/ dka' ba'i gnad rnams la yang the tshom du gyur pas/ mdo rgyud nas lung bstan pa'i
lha
bla ma ye shes 'od/ bod kyi rgyal brgyud dri ma med par byon pa des/ de rnams la thugs ma ches par/ mnga' ris skor gsum nas khye'u blo rno ba nyer gcig dam pa'i chos dang/ paNDi ta tshol ba'i zhal bkod dang bcas te/ rgya gar du brdzangs pas/ de rnams kyi nang nas lo chen rin bzang dang/ lo chung legs she gnyis mkhas pa'i mthar phyin par mdzad de/ bod la phan thogs pa'i paNDi ta btsal bas/ bi kra ma shI la'i paNDi ta chen po di pam ka ra shrI dznyA na'i yon tan gyi khyad par mtha' yas pa rnams gsan kyang/ rang gis spyan 'dren par ma spobs te tshur byon nas/ rgyal po la lo brgyusrgyus rgyas par zhus pas thugs mnyes shing the tshom kyang chod par mdzad do/ de'i tshe lo tsA ba rin chen bzang po'i drin gyis gsang sngags spyi dang/ dkyil 'khor gyi cho ga'i lag len sogs mnga' ris skor gsum du dar bar gyur kyang/ rab tu byung ba 'ga' zhig tshul khrims kyi kun du spyod pa dag pas so so thar pa tsam gyis chog shes nas/ theg pa chen po byang chub sems dpa'i kun du spyod pa las g.yol zhing/ bye brag tu pha rol du phyin pa la sgrub pa lhur byed pa nyung ba nyid dang/ sngon gyi log par rtog pa mtha' dag sel ba la/ paNDi ta chen po dI pam ka ra shrI dznyA na de nyid bod du spyan drangs na bstan pa skyon dang bral bar 'gyur ro snyam du dgongs nas/ 'bad pa chen pos lo tsA ba rgya brtson seng 'khor brgya tsam gser mang po dang bcas tee rgya gar du btang pa dang/ 'khor phal che ba tshad pas gum/ gser rnams kyang brlag nas jo bo spyan ma 'drongs/ dus der lha bla ma ye shes 'od gser 'tshol du byon pa gar log gi