[A:31b] pa 'di rab tu byung nas sangs rgyas kyi bstan pa la thos bsam ma gtogs/ mi 'grub pa'i bya ba ma bab/ da lan cis
kyang
'byon par mdzad du gsol lo zhus pas/ jo bo'i zhal nas/ khyed lo tsA ba rnams shin du bden/ bod kyi chos rgyal de'i mi nor mang po song bas ngo mnong/ kho bo snying rje chung ba min gyang yang bstan pa'i bya ba ches/ gtsug lag khang brgya rtsa brgyad kyi lde mig dang chos 'phro mang po yang yod/ na so yang rgas pas thon par dka' mod/ 'on kyang bod kyi chos rgyal khu dbon dang/ lo tsA ba rnams pa'i dka' spyad chud ma zos cig bya'i/ re shig zhig gser rnams tshags mdzod nged bod du 'ong skad ma zer/ lo tsA mkhas par slobs gsung/ de'i nub mo rje btsun ma sgrol ma la maNDal phul te/ bod du phyin na sangs rgyas kyi bstan pa la phan nam/ rgyal po byang chub sems dpa'i thugs dgongs rdzogs sam/ lus srog gi bar chad du mi 'gyur ram zhes zhus pas/ sangs rgyas kyi bstan pa la phan zhing/ rgyal po'i thugs dgongs rdzogs/ khyad par du u pA sa si ka cig la brten nas 'gro ba mang po la phan pas the tshom med par bod du bzhud/ ces zhes lung bstan/ de nas jo bo'i zhal nas/ rdo rje gdan du 'ong dang gsung bas/ der phyin pa na/ byis pa gzhon nu dar dkar gyi gos gyon pa/ shel dkar gyi mda' gzhu thogs pa cig byung ste/ phyag 'tshal zhing da mgon po bod du 'byon par zhu/ bod kyi tshe dang ldan pa 'di kun snying rje mod zer te song/ jo bo la bod skad smra ba'i byis pa de su yin zhus pas/ nang par rdo rje gdan gyi byang phyogs nas rnal 'byor ma cig song bas/ de la dris gsung/ nang par rnal 'byor ma kraShNa skad la dkris pa Da ma ru dkrol zhing gar stabs ling nge ba cig byung