[A:32a] ba la/ khar kha sang gi lo brgyus rgyus dris pas/ khyed bod kyi mi nged rgya gar ba la 'dri ba zer nas song/ yang jo bo byang chub chen po'i drung na bzhugs pa'i g.yas g.yon na/ kha sang gi byis pa de dang bu mo sngo ljang ma cig 'dug pas/ lo tsA ba'i rtog pa la 'di gnyis kyi dbus su jo bo bzhugs mi thang ba la snyam pa dang/ bu mo na re/ rgyal ba'i mdun na rgyal sras bzang po skyong/ rgyal bar gnas kyang ma rgyal lta bur ston/ rgyal ba'i mdzad pa mthar phyin 'gro ba'i mgon/ rgyal ba yas sras gnyis la phyag 'tshal lo/ zeer/ byis pa na re/ gang du rgyal ba'i rnam thar skyong ba na/ bu mo khyod kyang bdag gi khyim 'ong zhing/ bu dang long spyod dpal 'byor spel ba dang/ dga' bar 'grogs shing bar chad bsal 'tshal lo/ he he/ da jo bo yang bod du 'byon ran zer nas/ khong gnyis gzhan du song/ sprul pa cig yin par shes nas/ jo lo nged bod nas 'phags nas phan 'dogs kyi sprul pa zam ma chad pa cig byung ba de rnams kyang gsung ba dang/ phar gshegs pa'i go cha yang myur du mdzad par zhu zhus pas/ jo bo'i zhal nas/ bi kra ma'i pho brang gi lho sgo na bu mo ras 'thag pa cig yod de la dris gsung/ der phyin nas dris pas/ khyed 'dod na dge bsnyen grags che ba ji skad bya ba yod zer bas/ dge bsnyen chos 'phel bya ba yod dris pas / mo na re/ u pA sa si ka de/ a ti sha yi sras po ma lags sam/ dus rnams rtag tu sprul pa bstan pa yin/ zhes sogs glu blangs pas/ bal po rdzong gi mi ring nas/ kha sang gi byis pa bu mo gnyis kyi bar rnams dge bsnyen chos 'phel gyi sprul par snang ba la snyam nas sems ngal sos par gyur/ de dus jo bo'i bla ma du ha ra nag po bya bas/ sa dpyad rin chen 'phrul gyi me long bya ba