[A:33a] bcud kyis smin par mdzod/ tshig gi spros pa mtha' nas chod par mdzod/ shes rab rtogs pa nang nas rgyas par mdzod/ phrin las bzang po phyogs mthar khyab par mdzod/ gdul bya yongs la phyogs ris med par mdzod/ sgo gsum thub pa chen por brtan par mdzod/ gnyen po mi g.yo mgon po tshags par mdzod/ 'gro drug thugs rje chen por brtse bar mdzod/ 'gro ba'i sdug bsngal thams cad sgrol bar mdzod/ bslab pa gsum gyis nyin mtshan phyug par mdzod/ lha chos bdun gyi 'byor pas phyug pa'i tshe/ gsang sngags lhun gyis grub par mchi 'o ang/ zhes gsungs la/ de ltar bla ma dang/ yi dam rnams kyis bod kha ba can du 'byon par lung bstan na yang/ a ti sha bstan pa'i bya ba la gzhis ches pa dang/ gnas brtan ratnA a ka ra la sogs pa jo bo bod du 'byon pa la mii dga' ba rnams kyis tshor dgos pa dang/ rdo rje gdan gyi rgyal po la sogs pa mi re re tsam gyis shol btab pas/ gtsug lag khang sogs mchod cing yam yom du lus pa na/ lan gcig jo bo rdo rje gdan du byon pa'i rjes su/ lo tsA gnyis kyis byon nas/ zhabs la gtugs te gdong mchi mas gang bzhin du gsol ba yang yang btab pas/ jo bos kyang bod du 'byon pa'i thag chod kyi zhal bzhes dang / gtsug lag khang gi gnyer gtad thams cad mdzad de/ gzhan gyi mig brid pa'i phyir res gar gshegs res gar gshegs pa ltar mdzad nas/ bood du 'byon par chas pa na/ sku gsung thugs kyi rten dang/ dos rnams/ sprul pa'i mi gnyis kyis g.yag khyu gcig ded byung ste/ sa thag ring por 'gro ba la zar snga dgos pa yin zer nas drangs song/ nang par jo bos gnas