[A:32b] jo bo la gnang nas/ khyed shod du 'gro bar 'dug/ gdan sa byang skyabs pa/ lho gzhol ba/ rtsi shing nags tshal dang ldan pa zhig 'ong/ khyed kyi bu slob mang pos dge 'dun gyi sde dang/ gtsug lag khang mang po bzhengs par 'gyur/ de tsa na 'di dgos pa yin gsung/ de nas rim pa ltar bla ma dharma rakShi ta/ rje btsun DomI ba/ bla ma a ba dhU tI pa/ ku sA li rig pa'i khu byug dang/ yi dam lha'i lung bstan ji snyed cig rnam thar
dngos grub
kyi 'od zer du 'byung ba las/ rang bzhin gyi rnal 'byor mas lung bstan pa phyogs tsam zhig 'dir bshad na/ gcig lan gcig dkyil 'khor gcig la zhugs pa na/ rdo rje'i gar dang mchod pa phul ba'i rjes/ ma gcig rang bzhin dbyings kyi rnal 'byor ma/ rus pa'i rgyan cha gsol nas gar la byon/ hUM zhes rnam dag rdo rje'i glur blangs nas/ mi mngon dbyings na tshogs gnyis dpal 'byor ba'i/ dpa' bo chen po dam tshig rol ba'i lha/ khyab bdag rin chen tshogs kyi bdag po khyod/ ye shes gsang ba'i rdo rje ma lags sam/ khyod kyis rdo rje theg pa'i sgor zhugs nas/ byang phyogs rgyud kyi mtha' mkhob ma btul na/ las kyi dpa' bo
chen por mi rung bas/ myur du ri bo gangs can rgyud du song/ de na rigs gsum mgon po'i sprul pa yod/ gcig ni brum rje sprul pa'i chos 'phel lo/ gcig ni rngog ston legs pa'i shes rab bo/ gcig ni khu ston brtson 'grus g.yung drung ngo/ gzhan yang thub pa mchog gis byin brlabs pa'i/ sprul pa'i dge slong shin du mang bar yod/ de dag thams cad khyod kyi sras su 'gyur/ gangs can rgyud der bstan pa dar bar byed/ der song chos kyi bya ba 'di ltar mdzod/ rdo rje theg pa nang du dar bar mdzod/ gzhung lugs rgya mtsho phyi ru dar bar mdzod/ bslab gsum rnam dag rang rang dar bar mdzod/ las can brtags shing