[A:34b] shi ba skad du dur du skyol/ nga ni 'od gsal sems kyi lus/ 'byung gnas de la thim nas 'gro/ rgya bod gnyis su bya ba byas/ kha ba can du gcig gis chog/ ces gsungs te/ mkha' spyod du gshegs so/ de nas jo bo dpon slob bal po'i rgyal po grags pa mtha' yas kyis spyan drangs/ jo bo'i chibs glang po che mthong smon bya ba/ rgyal po la gnang ste/ nga thang 'dir bi ha ra zhes pa'i gtsug lag khang bzhengs pas/ 'byor pa ci dgos pa dang/ rgya gar dang bod kyi rab tu byung ba la sa tra 'dzugs pa'i rgyu byin cig ces gsungs pas/ rgyal po dad de zhabs spyi bor blangs/ gang bzhed pa thams cad bsgrub par dam bcas/ sras padma'i snying po phul nas rab tu byung/ mtshan lha'i dbang por btags/ mkhas par gyur nas phyis thang bi ha ra'i mkhan po mdzad do/ de nas a ti sha dpon slob rnams bal po'i rgyal po skyel thung ba rta pa brgyas bskor ba dang bcas te bal po rdzong la phyags phebs pa na der lha btsun pa'i rta pa sum brgya tsam bsu ba la gos dkar po 'ba' zhig gyon/ rgyan thams cad kyang dkar po 'ba' zhig byas/ blon po chen po lha'i dbang phyug dang/ lha'i blo gros dang/ lha'i shes rab dang/ lha'i srid 'dzin zhes bya ba bzhi la/ dar mdung dkar po thogs pa bcu drug bcu drug gis bskor/ gzhan thams cad la yang ba dan chung ngu re dang/ chu dar gyi gdugs nyi shu dang/ pi wang dang gling bu'i sgra snyan po 'khrol ba dang/ dpon g.yog thams cad kyang ngag mthun par dkon mchog gsum la skyabs su 'gro zhing/ bod du sangs rgyas kyi bstan pa dar bar 'gyur ro zhes pa'i kha brda bzang po byed pa dang/ a ti sha la gnod
pa'i
phas rgol thams cad bdag gis gzhom